Photos: के.एल.राहुलनंतर अक्षर पटेलची पडली विकेट! क्रिकेटरच्या विवाहसोहहळ्यातील फोटो व्हायरल |cricketer akshar patel tied knot with gf meha patel wedding photos viral

भारतीय संघाचा अष्टपैलू खेळाडू अक्षर पटेल विवाह बंधनात अडकला आहे. अक्षर पटेलने प्रेयसी मेहा पटेलसह लग्नगाठ बांधली. कुटुंबीय व मित्रपरिवाराच्या उपस्थितीत अक्षर व मेहाने गुरुवारी(२६ जानेवारी) सप्तपदी घेत नवीन आयुष्याला सुरुवात केली. गुजरातमधील वडोदरा येथे पारंपारिक पद्धतीने दोघांचा लग्नसोहळा पाहर पडला. त्यापूर्वी बुधवारी (२५ जानेवारी) अक्षर पटेल आणि मेहा पटेल यांचा मेहंदी कार्यक्रम पार पडला होता. अक्षर व मेहाच्या शाही विवाहसोहळ्यातील फोटो व व्हिडीओ सोशल मीडियावर व्हायरल होत आहेत. अक्षर पटेलने लग्नासाठी पांढऱ्या रंगाची डिझायनर शेरवानी परिधान केली होती. तर मेहाने भरजरी लेहेंगा परिधान करत शाही लूक केला होता. अक्षर पटेलच्या लग्नात क्रिकेटर जयदेव उनाडकटने आपल्या पत्नीसह हजेरी लावली होती. उनाडकटने “Welcome To The Club”, असं म्हणत अक्षरच्या लग्नातील फोटो शेअर केले आहेत. अक्षर पटेल आणि मेहा पटेल अनेक दिवसांपासून एकमेकांना डेट करत होते. त्यानंतर जानेवारी २०२२ मध्ये दोघांनी साखरपुडा केला. अक्षरची पत्नी मेहता ही एक प्रोफेशनल डायटीशियन आहे. मेहा पटेलने आपल्या इन्स्टाग्रामवर अनेक डाएट प्लॅन शेअर केले आहेत. याशिवाय ती डाएटशी संबंधित माहिती देखील शेअर करत असते. अक्षर व मेहा अनेकदा त्यांच्या इन्स्टाग्राम अकाऊंटवरुन एकमेकांबरोबरचे फोटो शेअर करायचे. (सर्व फोटो: इन्स्टाग्राम) (हेही पाहा>> KL Rahul-Athiya Shetty Wedding: अथिया शेट्टी-के.एल.राहुलने घेतली सप्तपदी, पाहा शाही विवाहसोहळ्यातील खास फोटो)