राजस्थानचे भाजप नेते वासुदेव देवनानी यांनी नुकतंच एक विधान केले आहे. या विधानामुळे ते पुन्हा एकदा चर्चेत आले आहेत. देवनानी म्हणाले की " विद्यार्थ्यांना अकबर शिकवल्यास त्यांच्यात देशभक्तीची भावना निर्माण होणार नाही. विद्यार्थ्यांच्या मनात ही भाव रुजवायची असेल तर त्यांना महाराणा प्रताप शिकवणे गरजेचे आहे. वासुदेव देवनानी राजस्थानंध्ये भाजपच्या योजना,राज्यातील काँग्रेस सरकारचे सर्वात मोठे अपयश आणि २०२३ च्या विधानसभा निवडणुकांबद्दल बोलत होते. पंतप्रधान मोदी यांनी वीस वर्षांमध्ये राबवलेल्या कल्याणकारी धोरणांबाबत ते माहिती देत होते. मुख्यमंत्री म्हणून १२ वर्षे आणि पंतप्रधान म्हणून ८ वर्षे मोदी यांनी राबवलेल्या कल्याणकारी योजनांची माहिती दिली. महात्मा गांधींनी ज्या पद्धतीने स्वातंत्र्याला लोक अभियान बनवले, त्याच पद्धतीने मोदीजींनीही विकासाला लोकांचे अभियान बनवण्याचा प्रयत्न केला आहे. त्यांनी आपल्या जीवनाची सुरुवात चहा विक्रेता म्हणून केली आणि म्हणूनच त्यांना सामान्य माणसाचे प्रश्न माहित आहेत आणि त्यामुळे त्यांच्या उन्नतीसाठी ते अधिक चांगले काम करू शकतात. राजस्थानमध्ये, आम्ही १ ते ३१ ऑगस्ट दरम्यान कार्यक्रम आयोजित करत आहोत, ज्यामध्ये आम्हाला सार्वजनिक कार्यक्रमांना संबोधित करण्यासाठी राज्य आणि बाहेरून विचारवंत, शिक्षक इत्यादींसह वक्ते मिळतील. ते पुढे म्हणाले की सध्या देशाचा दर्जा घसरत आहे असा आरोप केला जात आहे यावर माझा विश्वास नाही. अर्थव्यवस्था असो किंवा सामाजिक स्वातंत्र्य प्रत्येक विषयांत देशाचा दर्जा वाढला आहे. देशातील गरिबी कमी झाली आहे. दुसरे म्हणजे, एखाद्या देशाचे जगामध्ये स्थान काय आहे हे तो देश आपत्तीचा सामना कसा करतो, त्याची अर्थव्यवस्था कशी कार्यरत आहे आणि सर्वात गरीब व्यक्तींपर्यंत त्याचे फायदे किती पोहोचत आहेत या अनेक घटकांवरून तपासले जाते. उदाहरणार्थ, सर्व गावांमध्ये आता विद्युतीकरण झाले आहे. घरांमध्ये शौचालये आहेत. उज्ज्वला योजनेंतर्गत कोट्यवधीसिलेंडर देण्यात आले आहेत, जल जीवन मिशनमधून पिण्याचे पाणी दिले जात आहे, मुद्रा योजनेंतर्गत कर्ज दिले जात आहे. या सर्वांमुळे लोकांचे जीवनमान सुधारले आहे. गरीब, पण (रँकिंग) एजन्सी त्यांच्यापर्यंत पोहोचू शकत नाहीत. तसेच, त्यांनी (मोदी) दहशतवादाविरोधात जगाला एकटे पाडले आहे आणि पाकिस्तानला एकाकी पाडले आहे. ब्रिटन, अमेरिका, जर्मनी किंवा जपान हे सगळे आता आपल्या सोबत उभे राहीले आहेत.
