scorecardresearch

Premium

मुख्यमंत्री व दोन उपमुख्यमंत्र्यांमध्ये कुरघोड्याच अधिक !

महायुती सरकारमध्ये तिन्ही पक्षांमध्ये योग्य समन्वय असल्याची ग्वाही सत्ताधाऱ्यांकडून दिली जात असली तरी मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस आणि अजित पवार परस्परांवर कुरघोड्याच अधिक करताना दिसतात.

Deputy CM of maharashtra
मुख्यमंत्री व दोन उपमुख्यमंत्र्यांमध्ये कुरघोड्याच अधिक ! (संग्रहित छायाचित्र)

महायुती सरकारमध्ये तिन्ही पक्षांमध्ये योग्य समन्वय असल्याची ग्वाही सत्ताधाऱ्यांकडून दिली जात असली तरी मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस आणि अजित पवार परस्परांवर कुरघोड्याच अधिक करताना दिसतात. आमदार नवाब मलिक यांच्या महायुतीतील प्रवेशावरून उपमुख्यमंत्री देवेंद्र फडणवीस यांनी दुसरे उपमुख्यमंत्री अजित पवार यांना पत्र पाठिल्याने वाद झाला. फडण‌वीस यांना अजित पवार यांना खासगीत सांगता आले असते, असे राष्ट्रवादीच्या अजित पवार गटाच्या नेत्यांचे म्हणणे आहे. फडवणीस यांच्या पत्रप्रपंचामुळे महायुतीतील अंतर्गत कुरबुरी चव्हाट्यावर आल्या.

नवाब मलिक यांच्या विरोधात पत्र पाठवून फडणवीस यांनी स्वत:ची प्रतिमा उंचविण्याचा प्रयत्न केला पण विरोधकांनी प्रफुल्ल पटेल यांच्यावरून भाजपला घेरल्याने फडणवीस व भाजपची चांगलीच पंचाईत झाली. या साऱ्या घडामोडींमध्ये फडणवीस आणि अजित पवार या दोन उपमुख्यमंत्र्यांमध्ये योग्य समन्वय नाही किंवा अजितदादांचे पंख छाटण्याचा भाजपडून प्रयत्न झाल्याचा संदेश गेला आहे.

Madhya Pradesh Congress
महाराष्ट्राच्या माजी मुख्यमंत्र्यांनंतर आता मध्यप्रदेशचे माजी सीएम कमलनाथही भाजपाच्या वाटेवर? राजकीय चर्चांना उधाण!
ram mandir congress
उत्तर प्रदेशच्या दोन काँग्रेस आमदारांची मुख्यमंत्री योगींसोबत अयोध्या यात्रा; पक्षांतर्गत मतमतांतरं असण्यामागे कारण काय?
karnataka Chief Minister Siddaramaiah
कर्नाटक अन् केरळवरील अन्यायाच्या आरोपातून काँग्रेसचे ‘दिल्ली चलो’ आंदोलन, भाजपच्या खासदारांनाही सहभागी होण्याची विनंती
vasundhara raje
राजस्थानच्या माजी मुख्यमंत्री वसुंधरा राजे नाराज असल्याची चर्चा; आगामी लोकसभा निवडणुकीपूर्वी भाजपाची डोकेदुखी वाढणार?

हेही वाचा – वर्धा : चाईल्ड पोर्नोग्राफी! टेलिग्राम चॅनलवर प्रसारण करणाऱ्या विकृतास अटक

मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्यातही यापूर्वी कुरघोडीचे राजकारण बघायला मिळाले. ‘देशात मोदी, राज्यात शिंदे’ या जाहीरातीच्या माध्यमातून शिंदे यांनी आपणच अधिक लोकप्रिय असल्याचे दाखविण्याचा प्रयत्न केला. सर्व वृत्तपत्रांमध्ये पहिल्या पानावर प्रसिद्ध झालेल्या जाहिरातीत शिंदे यांना २६.१ टक्के तर फडणवीस यांना २३.२ टक्के लोकांची पसंती असल्याची आकडेवारी प्रसिद्द करून शिंदे यांनी फडणवीस यांच्यापेक्षा आपण अधिक लोकप्रिय असल्याचे लोकांसमोर आणले होते. शिंदे यांनी फडणवीस यांच्यावर केलेल्या कुरघोडीची बरीच चर्चा झाली होती. भाजपने तर शिंदे यांच्या जाहिरातीवर आक्षेप घेतला होता. त्याआधी कल्याण लोकसभा मतदारसंघावर दावा करून भाजपने मुख्यमंत्री शिंदे व त्यांचे खासदार पुत्र श्रीकांत शिंदे यांना थेट लक्ष्य केले होते. कल्याणमध्ये भाजपने फारच आक्रमक भूमिका घेतल्याने संतप्त झालेल्या मुख्यमंत्री पुत्र श्रीकांत शिंदे यांनी खासदारकीचा राजीनामा देण्यापर्यंत भाषा केली होती. मुख्यमंत्री शिंदे व भाजपमध्ये या दोन घटनांवरून परस्परांवर कुरघोडी करण्याचाच प्रयत्न झाला होता.

अजित पवार यांचा महायुतीमध्ये झालेला समावेश मुख्यमंत्री शिंदे यांना फारसा रुचलेला नसावा. कारण राष्ट्रवादीच्या मंत्र्यांना चांगली खाती देण्यावरून शिंदे फारसे उत्साही नव्हते. अजित पवार समर्थक मंत्र्यांना चांगली खाती देताना शिंदे यांच्या गटाकडील काही खाती काढून घेण्यात आली होती. अजित पवार यांचे पंख छाटण्याच्या उद्देशानेच मुख्यमंत्री शिंदे व उपमुख्यमंत्री फडण‌वीस यांनी फाईलींच्या प्रवासाचा आदेश जारी केला होता. अजित पवार यांच्या वित्त विभागाशी संबंधित महत्त्वाच्या फाईली किंवा प्रकरणे आधी फडण‌वीस यांच्याकडे व नंतर मुख्यमंत्र्यांकडे जाण्याचा आदेश काढण्यात आला होता. वास्तविक हा अजित पवार यांच्या खात्यामध्ये सरळसरळ हस्तक्षेपच मानला जातो.

हेही वाचा – रेल्वे प्रवाशांना मनस्ताप; इंदोर व बंगळुरूकडे जाणारी गाडी तब्बल दोन महिने रद्द, कारण काय?

एकूणच मुख्यमंत्री शिंदे हे दोन्ही उपमुख्यमंत्र्यांवर कुरघोडी करण्याचा प्रयत्न करतात. महायुतीत भाजप हा सर्वात मोठा पक्ष असल्याने फडणवीस हे सरकारचा सारा कारभार आपल्या हाती ठेवण्याचा प्रयत्न करतात. या कुरघोडीच्या राजकारणावर विरोधी पक्ष पाहिजे तसे आक्रमकपणे तुटून पडत नाहीत.

Latest Comment
View All Comments
Post Comment

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Cm eknath shinde and the two deputy cm of maharashtra are trying to outdo each other print politics news ssb

First published on: 09-12-2023 at 12:50 IST

संबंधित बातम्या

तुम्ही या बातम्या वाचल्या आहेत का? ×