scorecardresearch

Premium

मंत्र्यांच्या साक्षीवर शिंदे गटाची मदार, अधिवेशन काळातही सुनावणी

सर्वोच्च न्यायालयाने अध्यक्ष नार्वेकर यांना निर्णय घेण्यासाठी ३१ डिसेंबरची मुदत दिली असून साक्षीदारांच्या उलटतपासणीस अपेक्षेपेक्षा अधिक वेळ लागत आहे.

Disqualification plea, eknath shinde group, uddhav thackeray group, winter session, nagpur
मंत्र्यांच्या साक्षीवर शिंदे गटाची मदार, अधिवेशन काळातही सुनावणी

मुंबई : शिवसेना आमदार अपात्रता याचिकांवरील सुनावणीत मंत्री उदय सामंत आणि दीपक केसरकर यांच्या साक्षीवर शिंदे गटाची मदार आहे. या मंत्र्यांच्या साक्षी पुढील आठवड्यात नोंदविल्या जाणार असून सुनावणीस वेळ लागत असल्याने विधानसभा अध्यक्ष अँड. राहुल नार्वेकर हे हिवाळी अधिवेशन काळात नागपूरला याचिकांवर नियमित सुनावणी घेणार आहेत.

तत्कालीन मुख्य मंत्री उद्धव ठाकरे यांच्या ‘ वर्षा ‘ निवासस्थानी झालेल्या बैठकीसाठी आमदारांना पक्षादेश (व्हीप) योग्यप्रकारे बजावले गेले नाहीत, एकनाथ शिंदे यांची विधिमंडळ नेतेपदावरून हकालपट्टी बेकायदा होती, शिवसेनेचे बहुसंख्य आमदार शिंदेंबरोबर असल्याने ठाकरे यांच्या गटाची बैठक पक्षाची अधिकृत बैठक नव्हती, आमदारांच्या स्वाक्षऱ्या बनावट आहेत, ठाकरे यांना विधिमंडळ गटनेता व प्रतोद निवडीचे अधिकारच नाहीत. शिंदे हे विधिमंडळ पक्षाचे नेते म्हणून एकमताने निवडले गेले होते. त्यामुळे त्यांनी बोलाविलेली बैठक हीच पक्षाची अधिकृत बैठक असून त्यात घेतले गेलेले निर्णय कायदेशीर आहेत, आदी मुद्दे शिंदे गटाकडून प्रामुख्याने मांडले जाणार आहेत. शिवसेनेचे काही नेते दुसऱ्या टप्प्यात शिंदेंबरोबर गेले होते. त्यादृष्टीने केसरकर, सामंत व आमदार योगेश कदम यांची साक्ष शिंदे गटाला महत्वाची आहे, तर ठाकरे गटाकडूनही त्यांची कसोशीने उलटतपासणी घेतली जाईल. त्यामुळे या साक्षींना वेळ लागू शकतो.

PM Narendra Modi
”नव्या सर्वोच्च न्यायालयाच्या संकुलासाठी ८०० कोटी मंजूर”, मोदी म्हणाले, ”नवीन संसद भवनाप्रमाणे…”
jaylalita tn
…जेव्हा जयललिता यांनी दागिने न घालण्याचा केला होता संकल्प; जे. जयललिता यांच्या दगिन्यांचा २५ वर्षांचा इतिहास
ajit pawar marathi news, ajit pawar rohit pawar, rohit pawar ed notice marathi news,
“आम्ही त्याचा इव्हेंट करत नाही, माझी ५ तास चौकशी झाली…”, रोहित पवारांच्या ईडी नोटीशीवर अजित पवार म्हणाले…
police inspector vasant babar of pimpri chinchwad announced president medal eve of republic day
२८ वर्षांची सेवा, ३५१ बक्षीस, अन् २३ प्रशस्तीपत्रक; पिंपरीतील ‘या’ पोलीस अधिकाऱ्याला जाहीर झाले राष्ट्रपती पदक

हेही वाचा… मावळमध्ये अजितदादा पुत्र पार्थ पवारांसाठी जुळवाजुळव?

हेही वाचा… शिंदे गटाकडे असलेल्या कर्जत-खालापूर मतदारसंघावर अजित पवार गटाचा डोळा, जोरदार शक्तिप्रदर्शन

सर्वोच्च न्यायालयाने अध्यक्ष नार्वेकर यांना निर्णय घेण्यासाठी ३१ डिसेंबरची मुदत दिली असून साक्षीदारांच्या उलटतपासणीस अपेक्षेपेक्षा अधिक वेळ लागत आहे. त्यामुळे अधिवेशन काळातही दुपारपासून सुनावणी घेतली जाणार आहे, असे सूत्रांनी सांगितले.

Latest Comment
View All Comments
Post Comment

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Disqualification plea hearing will continue in winter session at nagpur print politics news asj

First published on: 01-12-2023 at 10:17 IST

संबंधित बातम्या

तुम्ही या बातम्या वाचल्या आहेत का? ×