scorecardresearch

Premium

मावळमध्ये शिंदे गटाचे खासदार आणि अजितदादा गटाच्या आमदारामध्ये जुंपली

खासदार श्रीरंग बारणे आणि आमदार सुनील शेळके यांचे चांगले संबंध होते. वादाचे निमित्त ठरले ते तळेगाव दाभाडे नगर परिषदेच्या मुख्याधिकाऱ्यांच्या बदलीचे.

pimpari chinchwad, shiv sena MP shrirang barne, NCP MLA sunil shelke, maval
मावळमध्ये शिंदे गटाचे खासदार आणि अजितदादा गटाच्या आमदारामध्ये जुंपली

गणेश यादव

पिंपरी : मावळ लोकसभा मतदारसंघातील महायुतीतील मुख्यमंत्री एकनाथ शिंदे यांच्या शिवसेनेचे खासदार श्रीरंग बारणे आणि उपमुख्यमंत्री अजित पवार यांच्या राष्ट्रवादीचे मावळचे आमदार सुनील शेळके यांच्यात चांगलीच जुंपली आहे. त्यासाठी निमित्त ठरले ते तळेगाव दाभाडे नगर परिषदेच्या मुख्याधिकाऱ्यांच्या बदलीचे.

DEEEPAK KESARKAR AND AJIT PAWARA AND SHARAD PAWAR
अजित पवारांच्या पुतण्याची शरद पवारांच्या कार्यालयाला भेट, दीपक केसरकर म्हणाले, “पवार कुटुंबामध्ये…”
Ashok Chavan leave Congress party
अशोक चव्हाण यांची काँग्रेसला सोडचिठ्ठी; आता त्यांच्यावरील तीन खटल्यांचं काय होणार?
Accusation between Uddhav Thackeray and Devendra Fadnavis in Abhishek Ghosalkar murder case
गोळय़ा मॉरिसने झाडल्या की अन्य कुणी? उद्धव ठाकरे-देवेंद्र फडणवीस यांच्यात आरोप-प्रत्यारोपांच्या फैरी
Former corporators Mumbai join Shivsena
मुंबईतील माजी नगरसेवकांचा शिवसेनेत प्रवेश

मावळ लोकसभा मतदारसंघातील मावळ विधानसभा मतदारसंघात मध्यवर्ती केंद्र असलेल्या तळेगाव दाभाडेचा समावेश येतो. मागील तीन वेळा मावळचा आमदार तळेगावमधीलच आहे. खासदार बारणे आणि आमदार शेळके यांचे चांगले संबंध होते. परंतु, तळेगाव नगर परिषदेच्या मुख्याधिकाऱ्यांच्या बदलीवरून त्यांच्यात बिनसले. तळेगावातील तत्कालीन सत्ताधारी जनसेवा विकास समितीचे संस्थापक दिवंगत किशोर आवारे यांनी तत्कालीन मुख्याधिकारी विजयकुमार सरनाईक यांची बदली करून त्यांच्या जागी एन. के. पाटील यांची नियुक्ती करण्याची मागणी केली होती. आवारे यांच्या मागणीवरून सरनाईकांच्या बदलीसाठी मुख्यमंत्री एकनाथ शिंदे यांना पत्र दिल्याचे बारणे यांनी कबूल केले.

हेही वाचा… आजरा कारखान्याच्या निवडणुकीसाठी हसन मुश्रीफ – सतेज पाटील या मित्रांमध्येच मुकाबला

त्यामुळे अवघ्या पाच महिन्यांत सरनाईक यांची मुदतपूर्व बदली झाली आणि त्यांच्या जागी एन. के. पाटील आले. पाटील यांनी पदभार स्वीकारल्यानंतर गेल्या सात महिन्यांपासून मूलभूत नागरी सुविधाही मिळत नसल्याने तळेगाव शहरातील नागरिक हैराण झाले. नगर परिषदेच्या कारभारातही विस्कळीतपणा आला. बारणे यांनी अकार्यक्षम मुख्याधिकारी आणल्याची टीका शेळके यांनी केली. पाटील यांच्या नियुक्तीवरून बारणे आणि आमदार सुनील शेळके यांच्यात मोठा कलगीतुरा रंगला होता. बारणे यांनी दहा वर्षांत केंद्राच्या निधीतून मावळमध्ये कोणती विकासकामे केली याचा लेखाजोखा मांडण्याची मागणी करत मावळ लोकसभेच्या जागेवर शेळके यांनी दावा केला. त्याला बारणे यांनीही प्रत्युत्तर देत मी जनतेला लेखाजेखा देण्यासाठी बांधील असून, कोणा व्यक्तीला नाही. शेळके कोणाच्या सांगण्यावरून बोलत आहेत, असा सवाल केला होता.

हेही वाचा… तीन राज्यांमधील विजयानंतर राज्यातील भाजपचा अधिक जागांवर दावा ?

महायुतीतील मित्र पक्षांमधील खासदार बारणे आणि आमदार शेळके यांच्यात ज्या कारणावरून खडाखडी सुरू होती. त्या विजयकुमार सरनाईक यांची पिंपरी महापालिकेतून पुन्हा तळेगाव नगर परिषदेच्या मुख्याधिकारीपदी शुक्रवारी शासनाने नियुक्ती केली. आमदार शेळके यांची पाटील यांच्या बदलीची मागणी मान्य झाल्याने खासदार, आमदारांच्या या लढाईत आमदार शेळकेंचा विजय झाल्याचे मानले जात आहे. शेळके यांच्या मनाप्रमाणे सरनाईक यांची मुख्याधिकारीपदी नियुक्ती केल्यानंतर आता तरी खासदार बारणे आणि शेळके यांच्यातील वाद थांबतो का, हे पाहणे महत्त्वाचे ठरणार आहे.

Latest Comment
View All Comments
Post Comment

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: In maval political clashes between shiv sena mp shrirang barne adn ncp mla sunil shelke print politics news asj

First published on: 04-12-2023 at 15:13 IST

संबंधित बातम्या

तुम्ही या बातम्या वाचल्या आहेत का? ×