अलिबाग- युती आणि आघाडीच्या राजकारणात रायगड जिल्ह्यात स्वबळावर उमेदवार निवडून आणण्याची ताकद एकाही पक्षाची राहिलेली नाही. त्यामुळे लोकसभा निवडणूकीत सत्ताधारी आणि विरोधी पक्षाच्या दोन्ही उमेदवारांनी मित्रपक्षांच्या मतांवर अवलंबून राहावे लागणार आहे.

रायगड लोकसभा मतदारसंघातून राष्ट्रवादी काँग्रेसचे सुनील तटकरे महायुतीचे उमेदवार म्हणून पुन्हा निवडणूक रिंगणात आहेत. भाजप आणि शिवसेना शिंदे गटाच्या मतांवार तटकरे यांची मतदारसंघातील वाटचाल अवलंबून असणार आहे. कारण रायगड लोकसभा मतदारसंघातील सहा पैकी एकच विधानसभा मतदारसंघ राष्ट्रवादी काँग्रेसच्या ताब्यात आहे. अलिबाग, महाड आणि दापोली या तीन विधानसभा मतदारसंघावर शिवसेना शिंदे गटाचे वर्चस्व आहे. तर पेण मतदारसंघ भाजपच्या ताब्यात आहे. त्यामुळे मित्र पक्षांची मदत तटकरेंसाठी महत्वाची असणार आहे.

Chhagan Bhujbal - Sharad Pawar
“पक्ष फुटला नसता तर मीच मुख्यमंत्री झालो असतो”, शरद पवारांच्या ‘त्या’ दाव्यावर छगन भुजबळांची प्रतिक्रिया
mallikarjun Kharge, mallikarjun Kharge Slams narendra Modi, mallikarjun Kharge Slams narendra Modi s Exaggerations , Predicts BJP s Defeat, BJP s Defeat in lok sabha 2024 elections, congress, bjp, politics news,
अतिशयोक्ती करणाऱ्या पंतप्रधानाकडे सांगण्याजोगे आहेच काय?-खरगे
Devendra Fadnavis
महायुतीत पुढील मुख्यमंत्री कोण असेल? फडणवीस स्पष्ट म्हणाले, “ज्या पक्षाच्या जास्त जागा…”
rajendra gavit lok sabha, palghar lok sabha marathi news
उमेदवारी नाकारली तरीही खासदार राजेंद्र गावित यांचा भाजपमध्ये प्रवेश; भविष्यात आमदारकी ?
mallikarjun kharge gulbarga
जातीय हिंसाचारामुळे काँग्रेसच्या राष्ट्रीय अध्यक्षांची प्रतिष्ठा पणाला; कर्नाटकमध्ये काँग्रेस अडचणीत?
Solapur lok sabha, solapur, political party,
सोलापूर : कोणत्या राजकीय पक्षाला पाठिंबा द्यायचा ? विविध समाजामध्ये विभागणी
Agri community, Agri Sena,
वसई : आगरी समाजाच्या मतांसाठी राजकीय पक्षांची चढाओढ, आगरी सेनेतही पडले दोन गट
sharad pawar group leader in ambernath wish former corporator who joined shiv sena best for his future political journey
काँग्रेसच्या फुटीर नगरसेवकांना शरद पवार गटाच्या शुभेच्छा; अंबरनाथमध्ये फलकबाजीमुळे शरद पवार गटातही गळतीची चर्चा

हेही वाचा…नवरा तुरुंगात, बायको निवडणुकीच्या रिंगणात; कोण आहेत श्रीकला रेड्डी?

दुसरीकडे शिवसेना ठाकरे गटाचे नेते अनंत गीते हे इंडिया आघाडीचे उमेदवार आहे. शेकाप आणि काँग्रेसच्या या दोन प्रमुख पक्षांच्या मतांवर त्यांची वाटचाल अवलंबून असणार आहे. कारण रायगड लोकसभा मतदारसंघातील केवळ गुहागर या एकमेव विधानसभा मतदारसंघावर शिवसेना ठाकरे गटाचे वर्चस्व आहे. अशा वेळी शेकाप आणि काँग्रेसची मदत गीतेंसाठी महत्वाची असणार आहे. अलिबाग आणि पेण या दोन विधानसभा मतदारसंघात शेकापचे संघटन मजबूत आहे. तर श्रीवर्धन आणि महाड मध्ये काँग्रेसची पांरपारीक मते आहेत. या मतांवर गीते यांचे भवितव्य अवलंबून असणार आहे.

युती आणि आघाडीच्या राजकारणामुळे रायगड जिल्ह्यात स्वबळावर निवडून येण्याची ताकद एकाही पक्षात राहीलेली नाही. अशातच गेल्या पाच वर्षात रायगड जिल्ह्यात प्रचंड राजकीय उलथापालथ झाली आहे. शिवसेना आणि राष्ट्रवादी काँग्रेस यांच्यात दोन गट पडले आहेत. त्यामुळे दोन्ही पक्षांची ताकद विभागली गेली आहे. अशा वेळी राजकीय पक्षाप्रमाणेच मतदारांमध्येही संभ्रमावस्थेत आहे. हा संभ्रम दूर व्हावा यासाठी सर्वच राजकीय पक्षांनी प्रयत्न सुरु केले असल्याचे सध्या पहायलला मिळत आहे.

हेही वाचा…“मी तुकडे-तुकडे गँगचा असेन तर मोदी मला अटक का करत नाहीत?”; कन्हैयाचं भाजपाला आव्हान

रायगड आणि मावळ या लोकसभा मतदारसंघाची निवडणूक न लढवण्याचा निर्णय शेकापने घेतला आहे. दोन्ही मतदारसंघात शेकापने इंडीया आघाडीच्या उमेदवारांना पाठींबा जाहीर केला आहे. दोन्ही मतदारसंघात शेकापची किमान २ लाख मते असल्याचा दावा पक्षांनी केला आहे. त्यामुळे दोन्ही मतदार संघात ही शेकापची मते निर्णायक भूमिका बजावतील असा विश्वास शेकाप नेत्यांनी व्यक्त केला