News Flash

राम गणेश गडकरींचा पुतळा हटवणाऱ्या चौघांना जामीन

गडकरींच्या पुतळयास आणि तैलचित्रास कायम विरोध राहणार असल्याची भूमिका संभाजी ब्रिगेडने मांडली होती.

Ram Ganesh gadkari Vandalized case : संभाजी ब्रिगेडचे कार्यकर्ते असणाऱ्या या चौघाजणांनी ३ जानेवारीला संभाजी उद्यानात असलेला गडकरी यांचा पुतळा उखडून मुठा नदीपात्रात फेकून दिला होता. या घटनेनंतर राज्यात मोठी खळबळ उडाली होती.

नाटककार राम गणेश गडकरी यांचा संभाजी उद्यानातील पुतळा हटवणाऱ्या चौघा आरोपींना मंगळवारी न्यायालयाकडून जामीन मंजूर करण्यात आला. प्रदीप भानुदास कणसे (वय २५, रा. नऱ्हे आंबेगाव), हर्षवर्धन महादेव मगदूम (वय २३, सध्या रा. बालाजीनगर, मूळ रा. हरीपूर, सांगली), स्वप्नील सूर्यकांत लाळे (वय २४, रा. वडमुखवाडी, चऱ्होली), गणेश देवीदास कारले (वय २६, रा. चांदूस, ता. खेड) अशी या आरोपींची नावे आहेत. संभाजी ब्रिगेडचे कार्यकर्ते असणाऱ्या या चौघाजणांनी ३ जानेवारीला संभाजी उद्यानात असलेला गडकरी यांचा पुतळा उखडून मुठा नदीपात्रात फेकून दिला होता. या घटनेनंतर राज्यात मोठी खळबळ उडाली होती. आगमी महापालिका निवडणूक डोळयासमोर ठेवून संभाजी ब्रिगेडने हा पुतळा हटविल्याचा आरोप विरोधकांनी केला होता. मात्र, या घटनेपूर्वी गडकरींचा पुतळा काढला जावा, यासाठी अनेक वेळा महापालिकेशी पत्रव्यवहार करून मागणी केली होती. याची दखल महापालिका प्रशासन आणि राजकीय नेत्यांनी घेतली नाही. यामुळे कार्यकर्त्यानी पुतळा काढला. गडकरींच्या पुतळया जागी संभाजी महाराजाचा पुतळा बसला पाहिजे. गडकरींच्या पुतळयास आणि तैलचित्रास कायम विरोध राहणार असल्याची भूमिका संभाजी ब्रिगेडने मांडली होती.

दरम्यान, मुख्यमंत्री देवेंद्र फडणवीस यांनी या घटनेचा निषेध करताना या घटनेमागील बोलविता धनी कोण आहे, हे शोधून काढल्याशिवाय राहणार नाही, असा स्पष्ट इशारा  दिला होता. काही संकुचित विचारसरणीच्या आणि नादान लोकांकडूनच छत्रपती शिवाजी महाराज आणि संभाजी महाराजांना एका जाती-धर्मात अडकिवण्याचा प्रयत्न केला जात आहेत. निवडणुकीच्या पाश्र्वभूमीवरच जातीयवादी राजकारणाची खुमखुमी सुरू आहे. अशा लोकांपासून सावध राहण्याची आवश्यकता आहे, असेही आवाहन फडणवीस यांनी केले होते. छत्रपती शिवाजी महाराज हे आमचे आराध्य दैवत आहेत. त्यांच्या आशीर्वादामुळेच आम्ही सत्तेत आलो. छत्रपती शिवाजी महाराजांबरोबरच संभाजी महाराजही सर्वाच्या मनात आहेत. संभाजी महाराजांचे जीवन हे सगळ्यांना प्रेरणाच देते. दुर्दैवाने त्यांच्या नावाने काही संकुचित विचारसरणीचे लोक त्यांना ठरावीक जाती-पातीत अडकविण्याचा प्रयत्न करीत आहेत. निवडणुकीच्या पाश्र्वभूमीवर खुमखुमी येऊन काही नादान लोकांनी निंदनीय प्रकारही केले. शिवाजी महाराज आणि संभाजी महाराज या लोकांना कळालेच नाहीत. झालेल्या प्रकाराचा निषेध करावा तेवढा कमीच आहे, असेही फडणवीस यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 10, 2017 8:27 pm

Web Title: 4 accuse in ram ganesh gadkari vandalized case get bail
Next Stories
1 पुण्यात नवा फ्लॅट बघताना ९व्या मजल्यावरुन पडून महिलेचा दुर्देवी अंत
2 पुणे: गणेश चांदणेच्या कुटुंबीयांना महापालिका देणार ३ लाख रुपये
3 ‘मोक्का’तून जामीन मिळालेला गुंड भाजपमध्ये
Just Now!
X