News Flash

“राज्याचे प्रश्न कोमात आणि स्व:बळाची छमछम जोरात” ; आशिष शेलारांनी लगावला टोला!

शिवसेनेच्या नेत्यांच्या पायाखालची वाळू घसरत आहे, असं देखील म्हणाले आहेत.

मराठा आरक्षण, ओबीसी राजकीय आरक्षणाच्या मुद्द्यावरूनही केली आहे टीका.

राज्याचे प्रश्न कोमात आणि स्व:बळाची छमछम जोरात, अशी टीका भाजपाचे आमदार आशिष शेलार यांनी महाविकासआघाडीवर केली आहे. पिंपरीमध्ये पत्रकार परिषदेत ते बोलत होते. यावेळी भाजपा शहराध्यक्ष आमदार महेश लांडगे, महापौर माई ढोरे, माजी खासदार अमर साबळे, भाजपा महिला आघाडीच्या प्रदेशाध्यक्षा उमा खापरे आदी उपस्थित होते.

आशिष शेलार म्हणाले की, “राज्यातील शेतकऱ्यांना बोगस बियाने दिली. कर्जमुक्ती, पीकविमा, वादळामुळे झालेले नुकसान भरपाई, महिला अत्याचार, सायबर क्राईम याकडे दुर्लक्ष केले जात आहे. सरकार पोलिसांकडून वसूलीचे काम करत आहे. बारा बलूतेदार, अलुतेदार यांना मदत दिली नाही. पोलीस दल आपापसातील गँगवारमध्ये विखुरलेले दिसत आहे. ज्या केसेस समोर येत आहेत त्यात माजी गृहमंत्री फरार दिसत आहेत. ओबीसींच राजकीय आरक्षण हे सरकार टिकवू शकलं नाही. मराठा आरक्षण जे फडणवीस सरकारने दिलं होतं ते यांच्या नाकर्तेपणामुळे गेलं. तसेच, अशा अनेक समस्यांमुळे राज्यातील जनता कोमात आहे. तर, जोमात केवळ स्व:बळाची छमछम आहे.” असा टोला आशिष शेलार यांनी यावेळी लगावला.

याचबरोबर शेलार म्हणाले की, महाविकास आघाडीतील नेते उठसूट स्व:बळाची भाषा करत आहेत, जप जपतात….आम्हाला याच्याशी घेणेदेणे नाही. शिवसेनेतील नेत्याच्या पायाखालची वाळू घसरायला लागल्याने नंतर बेताल वक्तव्य करत आहेत. राज्याचं आजच्या स्थितीच वर्णन करायचं झाल्यास राज्याचे प्रश्न कोमात आणि स्व;बळाची छमछम जोरात, अशा पद्धतीचे चित्र आहे. अस देखील शेलार यांनी म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 21, 2021 7:54 pm

Web Title: ashish shelar criticizes mahavikasaghadi government msr 87 kjp 91
टॅग : Ashish Shelar
Next Stories
1 लसीचे दोन्ही डोस घेतलेल्यांना बाहेर फिरण्याची मुभा द्या; अजित पवारांनी मांडलं स्पष्ट मत
2 जुलैमध्ये हव्या तेवढ्या लसी देतो असं कंपन्या म्हणालेल्या, आज २१ तारीख आहे मात्र…; अजित पवार वैतागले
3 फोन टॅपिंग : जबाबदार कोण?, आदेश कोणी दिले हे जनतेला कळलं पाहिजे : अजित पवार
Just Now!
X