30 September 2020

News Flash

गटनेता बदलाचा निर्णय बदलला; अशोक हरणावळ शिवसेनेचे गटनेता

महापालिकेतील गटनेता बदलण्याचा निर्णय शिवसेनेने अवघ्या तीन दिवसात बदलला असून या पदावर पुन्हा अशोक हरणावळ यांची नियुक्ती सोमवारी करण्यात आली.

| October 1, 2013 02:46 am

महापालिकेतील गटनेता बदलण्याचा निर्णय शिवसेनेने अवघ्या तीन दिवसात बदलला असून या पदावर पुन्हा अशोक हरणावळ यांची नियुक्ती सोमवारी करण्यात आली.
शिवसेनेच्या शहरप्रमुख पदावर श्याम देशपांडे आणि अजय भोसले यांची नियुक्ती करतानाच महापालिका गटनेता पदावर प्रशांत बधे यांची नियुक्ती करण्यात आली होती. या नियुक्त्या शनिवारी करण्यात आल्या. मात्र, गटनेता बदलण्याचा निर्णय तीनच दिवसात पुन्हा बदलण्यात आला आहे. बधे यांच्याऐवजी हरणावळ यांची पुन्हा या पदावर सोमवारी नियुक्ती करण्यात आली. तसे पत्र पुणे शहर संपर्क प्रमुख गजानन कीर्तिकर यांनी हरणावळ यांना दिले आहे.
शिवसेनाप्रमुख बाळासाहेब ठाकरे कलादालन उभारण्याचा प्रकल्प मी हाती घेतला असून तो पूर्णत्वाला जाईपर्यंत गटनेता पदावर राहण्यासाठी मुदतवाढ द्यावी, अशी विनंती हरणावळ यांनी पक्षप्रमुख उद्धव ठाकरे यांच्याकडे केली होती. त्यानुसार हरणावळ यांची विनंती मान्य करण्यात आली आणि मुदतवाढ दिली जात असल्याचे पत्र कीर्तिकर यांनी त्यांना दिले. कलादालनाचा हा प्रकल्प एप्रिल २०१४ पर्यंत पूर्ण करण्याचे नियोजन आहे. शिवसेनेच्या नेत्यांनी हरणावळ यांची नियुक्ती केल्याची बातमी पक्षवर्तुळात दुपारीच पसरली. त्यानंतर नव्याने नियुक्त झालेले सर्व पदाधिकारी महापालिकेत आले होते. पक्षाने गटनेता म्हणून जी जबाबदारी दिली आहे ती पूर्ण करण्याचा मी निश्चितपणे प्रयत्न करीन, असे हरणावळ यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 1, 2013 2:46 am

Web Title: ashok harnaval declared as shivsena group leader in corporation
Next Stories
1 वाढती बांधकामे विमानतळाच्या सुरक्षेसाठी चिंतेची – एअर कमोडोर सुरत सिंग यांची माहिती
2 मान्सून काळात देशात १०५ टक्के पाऊस
3 हिंजवडीत थरारनाटय़; तीन आरोपी गजाआड
Just Now!
X