महापालिकेच्या प्रभाग समिती अध्यक्षपदावर सत्ताधारी भारतीय जनता पक्षाचे अपेक्षित वर्चस्व राहिले. पंधरा प्रभाग समित्यांपैकी ११ प्रभाग समिती अध्यक्षपदाच्या जागा भाजपला मिळाल्या असून राष्ट्रवादी काँग्रेसला ३ तर काँग्रेसला १ जागा मिळाली आहे. महापालिके च्या पंधरा प्रभाग समितीपदासाठी शुक्रवारी ऑनलाइन पद्धतीने निवडणूक झाली. सत्ताधारी भारतीय जनता पक्षाचे महापालिके त स्पष्ट बहुमत असल्यामुळे पंधरा जागांपैकी सर्वाधिक जागा भाजपला मिळणार, हे स्पष्ट होते. पंधरा पैकी पाच प्रभाग समिती अध्यक्ष बिनविरोध निवडून आले होते. यामध्ये औंध-बाणेर क्षेत्रीय कार्यालय, शिवाजीनगर-घोले रस्ता क्षेत्रीय कार्यालय, सिंहगड रस्ता क्षेत्रीय कार्यालय, बिबवेवाडी क्षेत्रीय कार्यालय, वानवडी -रामटेकडी क्षेत्रीय कार्यालया या पाच प्रभाग समिती अध्यक्षपदाचा समावेश होता. त्यानंतर उर्वरित दहा प्रभाग समिती अध्यक्षपदासाठी निवडणूक झाली. निवड झालेले अध्यक्ष पुढीलप्रमाणे * औंध-बाणेर- अर्चना मुसळे (भाजप) * शिवाजीनगर-घोले रस्ता- सोनाली लांडगे (भाजप) * सिंहगड रस्ता - अश्विनी पोकळे (भाजप) * वानवडी-रामटेकडी- हमिदा सुंडके (राष्ट्रवादी काँग्रेस) * कोंढवा-येवलेवाडी- राणी भोसले (भाजप) * कसबा-विश्रामबाग- योगेश समेळ (भाजप) * बिबवेवाडी- राजश्री शिळीमकर (भाजप) * येरवडा- ऐश्वर्या जाधव (भाजप) * कोथरूड- हर्षांली माथवड (भाजप) * नगर रस्ता- संदीप जऱ्हाड (भाजप) * ढोले-पाटील- चाँदबी नदाफ (काँग्रेस) * धनकवडी-सहकारनगर- स्मिता कोंढरे (राष्ट्रवादी काँग्रेस) * वारजे-कर्वेनगर- राजेश बराटे (भाजप) * हडपसर-मुंढवा- गणेश ढोरे (राष्ट्रवादी काँग्रेस) * भवानी पेठ- विजयालक्ष्मी हरिहर (भाजप)
