28 September 2020

News Flash

Loksatta Poll: वाचक म्हणतात, पुणेकरांनो हेल्मेटसक्तीला विरोध नको!

काहीही झाले तरी हेल्मेट घालणार नाही असा पवित्रा पुणेकरांनी घेतला आहे

पुणे शहरात हेल्मेटसक्तीला विरोध करण्यात आल्याने लोकसत्ता ऑनलाइनने या संदर्भातला पोल घेतला. पुण्यात हेल्मेटसक्तीला होणारा विरोध योग्य आहे का? असा प्रश्न आम्ही पोलद्वारे विचारला होता. ६६ टक्के वाचकांनी विरोध योग्य नाही असे मत नोंदवले आहे. तर ३४ टक्के वाचकांनी विरोध योग्य आहे असे मत नोंदवले आहे. लोकसत्ताच्या ट्विटर पेजवर हा पोल ३ जानेवारी रोजी घेण्यात आला. ज्यामध्ये एकूण १५२२ वाचकांनी आपले मत नोंदवले.

ट्विटर पेजप्रमाणेच लोकसत्ताच्या फेसबुक पेजवरही हाच प्रश्न वाचकांना विचारण्यात आला. ८४८ वाचकांनी आपले मत फेसबुकवर नोंदवले. ज्यापैकी ६२ टक्के वाचकांनी हेल्मेटसक्तीला विरोध नकोच असे म्हटले आहे तर ३८ टक्के वाचकांनी हेल्मेटसक्तीला होणारा विरोध योग्य आहे असे म्हटले आहे. ट्विटर आणि फेसबुक या दोन्हीकडच्या वाचकांचे प्रमाण पाहता विरोध नको म्हणणारेच वाचक जास्त आहेत. त्यामुळे आता लोकसत्ता ऑनलाइनच्या वाचकांनीच हा पुणेकरांना हेल्मेटसक्तीस विरोध करू नका असा सल्ला दिला आहे.

पुण्यामध्ये सध्या हेल्मेट सक्तीवरून चांगलाचा वाद निर्माण झाला आहे. १ जानेवारीपासून हेल्मेट सक्ती लागू केल्यानंतर पोलिसांनी हेल्मेट न घालणाऱ्यांकडून दंड वसूल करण्यास सरुवात केली आहे. तर दुसरीकडे काहीही झाले तरी हेल्मेट घालणार नाही असा पवित्रा पुणेकरांनी घेतला आहे. अनेक ठिकाणी पुण्यातील नागरिकांनी आंदोलन करुन हेल्मेट सक्तीला विरोध केला. मात्र हा विरोध योग्य नाही असे आता लोकसत्ताच्या वाचकांनीही पुणेकरांना आपले मत नोंदवून दाखवून दिले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 4, 2019 7:34 pm

Web Title: dont oppose to helmet compulsion says loksatta readers to punekars
Next Stories
1 रिक्षात तिघांना बसवलं म्हणून ठोठावला दंड, पुणे पोलिसांचा अजब कारभार
2 भीषण अपघात! एक्सप्रेस वे वर ट्रकखाली तीन गाडया चिरडल्या, चौघांचा मृत्यू
3 आंतरजातीय विवाहासाठी अडीच लाखांचे अर्थसहाय्य; सामाजिक न्यायमंत्र्यांची घोषणा
Just Now!
X