News Flash

पुणे : अजित पवारांच्या फार्म हाऊसला भीषण आग

या फार्म हाऊसवरुन न्यायालयीन वाद सुरु असल्याने काही दिवसांपूर्वी ते चर्चेत आले होते.

मुळशी : अजित पवार यांच्या घोटावडे येथील फार्म हाऊसला लागलेली भीषण आग.

राष्ट्रवादी काँग्रेसचे नेते आजित पवार यांच्या मुळशी तालुक्यातील घोटावडे येथील फार्म हाऊसला भीषण आग लागल्याचे वृत्त आहे. ही आग इतकी मोठी होती की त्यामुळे परिसरात मोठ्या प्रमाणावर धूर पसरला होता. त्यामुळे या आगीत मोठी वित्तहानी झाल्याची शक्यता नागरिकांनी व्यक्त केली आहे. रविवारी संध्याकाळी सहा वाजण्याच्या सुमारास ही आग लागली होती. सध्या आग आटोक्यात आल्याचे सुत्रांकडून कळते.

मुळशी तालुक्यातील घोटावडे गावात हे फार्म हाऊस असून ते मुळा नदीच्या काठाजवळ बांधण्यात आले आहे. रविवारी संध्याकाळी सहा वाजण्याच्या सुमारास या इमारतीला आग लागली. आग इतकी मोठी होती की त्यामुळे काळ्या धुराचे ढग परिसरात पसरले होते. आगीची तीव्रता लक्षात घेता स्थानिक नागरिकांनी अग्निशामन दलाला माहिती दिली, त्यानंतर आग विझवण्यासाठी दोन बंब घटनास्थळी दाखल झाले. मात्र, या आगीचे नेमके कारण अद्याप कळू शकलेले नाही.

या फार्म हाऊसवरुन न्यायालयीन वाद सुरु असल्याने काही दिवसांपूर्वी ते चर्चेत आले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 11, 2019 9:32 pm

Web Title: fire breaks out at ajit pawars farm house the possibility of major financing aau 85
Next Stories
1 राष्ट्रीय चित्रपट पुरस्कारांतील ‘एफटीआयआय’ची पारितोषिके घटली
2 डावखुऱ्या मुलांना कलेची विनामूल्य शिकवणी
3 रद्द केलेल्या रेल्वे गाडय़ांचे तिकीट ‘कन्फर्म’!
Just Now!
X