News Flash

पुण्यात तेल आणि तुपाच्या गोडाऊनला भीषण आग

आगीत लाखो रुपयांचे नुकसान

संग्रहीत प्रतिकात्मक छायाचित्र

गेल्या काही महिन्यांपासून पुण्यात सातत्याने आगीच्या अनेक घटना घडल्या आहेत. शनिवारी रात्री पुण्यात पुन्हा एकदा मोठी आग लागण्याची घटना घडली आहे. पुणे-सासवड रोडवरील वडकी गावातील तेल आणि तुपाच्या गोडाऊनला शनिवारी भीषण आग लागल्याची घटना घडली आहे. शॉर्ट सर्किटमुळे ही आग लागल्याची शक्यता अग्निशमन विभागाच्या अधिकाऱ्यांनी व्यक्त केली.

पुणे सासवड रोडवरील वडकी गावात तेल आणि तुपाचे गोदाम आहे. शनिवारी रात्री ११ वाजण्याच्या सुमारास ही आग लागण्याची घटना घडली. या घटनेची माहिती मिळताच अग्निशमन विभागाने घटनास्थळी धाव घेतली. अग्निशमन विभागाचे बंब आणि जवान काही मिनिटात घटनास्थळी दाखल झाले. मात्र तोपर्यंत आगीने रौद्र रूप धारण केले होते. या आगीत गोडाऊन पूर्णपणे जळून खाक झाले असून, लाखो रुपयांचे नुकसान झाले आहे. ही आग शॉर्ट सर्किटमुळे लागल्याची शक्यता वर्तवली जात आहे. अग्निशमन विभागाच्या पाच टॅकरच्या मदतीने आगीवर नियंत्रण मिळवल्याचे अग्निशमन विभागाच्या अधिकाऱ्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 16, 2021 9:52 am

Web Title: huge fire broke out at an oil and ghee godown in pune abn 97 svk 88
Next Stories
1 तौत्के चक्रीवादळाचा दोन दिवस धोका
2 पिंपरी-चिंचवडमध्ये यंत्रणेचा उत्साह वाढवणारी आकडेवारी; रुग्णवाढीचा आलेख घसरतोय
3 “राजीव सातव यांना काल रात्री थोडा त्रास जाणवला, मात्र ते लवकरच बरे होतील”
Just Now!
X