28 September 2020

News Flash

चिंचवडला मोरया गोसावी महोत्सवास मंगळवारपासून प्रारंभ

चिंचवड येथील मोरया गोसावी महोत्सवाचे उद्घाटन मंगळवारी (२ डिसेंबर) सायंकाळी साडेचार वाजता भैयू महाराज यांच्या हस्ते होणार आहे.

| December 1, 2014 02:55 am

चिंचवड येथील मोरया गोसावी महोत्सव मंगळवारपासून सुरू होत असून यानिमित्ताने मोरया गोसावी देवस्थानच्या वतीने २ ते १२ डिसेंबर दरम्यान विविध धार्मिक कार्यक्रमांचे आयोजन करण्यात आले आहे.
देवस्थानचे मुख्य विश्वस्त सुरेंद्र देव यांनी पत्रकार परिषदेत ही माहिती दिली. महोत्सवाचे उद्घाटन मंगळवारी (२ डिसेंबर) सायंकाळी साडेचार वाजता भैयू महाराज यांच्या हस्ते होणार आहे. समाधी मंदिराच्या पटांगणात होणाऱ्या या कार्यक्रमाच्या अध्यक्षस्थानी महापौर शकुंतला धराडे असून आयुक्त राजीव जाधव प्रमुख पाहुणे आहेत. महोत्सवात जिल्ह्य़ातील नवनिर्वाचित आमदारांचा सत्कार करण्यात येणार आहे. गुरूवारी (११ डिसेंबर) सायंकाळी मोरया गोसावी जीवनगौरव पुरस्कार प्रदान करण्यात येतील. वडकी येथील दिव्यवाटिका आश्रमाचे स्वामी विद्यानंद यांना अतुलशास्त्री भगरे यांच्या हस्ते पुरस्कार दिला जाणार आहे. याशिवाय, निवृत्त कर्नल सुरेश पाटील यांच्यासह विविध क्षेत्रातील उल्लेखनीय कामगिरी करणाऱ्यांना ‘मोरया’ पुरस्काराने गौरवण्यात येणार आहे. महोत्सवात दररोज सकाळी स्वच्छता अभियान राबवण्यात येणार आहे. त्या माध्यमातून चिंचवड गावठाण परिसराची स्वच्छता करण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 1, 2014 2:55 am

Web Title: moraya gosavi festival from tuesday
Next Stories
1 द्रुतगती मार्गावर अपघातात रायगडच्या तिघी ठार
2 लोकसत्ता लोकांकिका स्पर्धाः पुणे केंद्राचा निकाल जाहिर
3 लग्न लावणाऱ्यांसाठी विवाहयोग
Just Now!
X