कात्रज येथील जुन्या बोगद्याजवळ एका सुरक्षा रक्षकाचा डोक्यात दगड आणि चेहऱ्यावर वार करून खून करण्यात आला. ही घटना रविवारी दुपारच्या सुमारास घडली. या घटनेचे अद्याप कारण समजू शकले नाही. भारती विद्यापीठ पोलीस ठाण्यात घटनेची नोंद झाली असून पोलीस तपास करत आहेत. पोलिसांनी दिलेल्या माहितीनुसार, कात्रज येथील जुन्या बोगद्याजवळ आरिफ पठाण (वय ४५) या सुरक्षा रक्षकाचा आज दुपारी १२ वाजण्याच्या सुमारास डोक्यात दगड घालून आणि चेहऱ्यावर वार करून खून करण्यात आला. या घटनेनंतर परिसरात एकच खळबळ उडाली. या खुनाची माहिती मिळताच पोलीस घटनास्थळी दाखल झाले असून अधिक तपास करण्यात येत असल्याचे त्यांनी सांगितले.
