14 July 2020

News Flash

खडकीत अतिक्रमण विरोधी कारवाई करणाऱ्या अधिकाऱ्याला शिवीगाळ

फय्याज इब्राहिम शेख (वय २८, रा. एलफिस्टन रस्ता, खडकी) असे अटक करण्यात आलेल्याचे नाव आहे.

अतिक्रमण विरोधी कारवाई करणाऱ्या खडकी कॅन्टोन्मेंट बोर्डातील अधिकाऱ्याला शिवीगाळ करणाऱ्या एकाला अटक करण्यात आली. खडकी बाजार परिसरात गुरुवारी (२ जून) ही घटना घडली.
फय्याज इब्राहिम शेख (वय २८, रा. एलफिस्टन रस्ता, खडकी) असे अटक करण्यात आलेल्याचे नाव आहे. खडकी कॅन्टोन्मेंट बोर्डाच्या अतिक्रमण विरोधी पथकातील अधिकारी सदाशिव कुलकर्णी यांनी या संदर्भात खडकी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, खडकीतील एलफिस्टन रस्ता परिसरात अनधिकृत फेरीवाल्यांवर कारवाई करण्याची मोहीम गुरुवारी राबविण्यात आली.
तेथे शेख याच्या अनधिकृत हातगाडीवर कारवाई करण्यात आली. शेख याने कुलकर्णी यांना शिवीगाळ केली तसेच लाकडी दांडके घेऊन तो कुलकर्णी यांच्या अंगावर धावून गेला. सरकारी कामात अडथळा आणल्याप्रक रणी शेख याच्याविरुद्ध गुन्हा दाखल करून पोलिसांनी त्याला अटक केली. सहायक पोलीस फौजदार बुधकर तपास करत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 5, 2016 12:09 am

Web Title: officer abused for taking action against encroachment
टॅग Encroachment
Next Stories
1 हातउसने दिलेल्या पैशांच्या वादातून महिलेच्या खुनाचा प्रयत्न
2 पुणे स्टेशन परिसरात महिलेची पर्स हिसकाविली
3 पिंपरीत पर्यावरणाच्या नावाखाली ‘बाजार’
Just Now!
X