15 August 2020

News Flash

कात्रज उद्यानातील फुलराणीचे शनिवारी राज यांच्या हस्ते उद्घाटन

कात्रज येथील उद्यानात महापालिकेतर्फे फुलराणी सुरू होत असून, फुलराणीचे उद्घाटन महाराष्ट्र नवनिर्माण सेनेचे अध्यक्ष राज ठाकरे यांच्या हस्ते शनिवारी (२ मे) होणार आहे.

| April 30, 2015 03:07 am

कात्रज येथील उद्यानात महापालिकेतर्फे फुलराणी सुरू होत असून, फुलराणीचे उद्घाटन महाराष्ट्र नवनिर्माण सेनेचे अध्यक्ष राज ठाकरे यांच्या हस्ते शनिवारी (२ मे) होणार आहे. एका वेळी चौसष्ट जण या फुलराणीतून कात्रज उद्यान व परिसरात फेरी मारण्याचा आनंद लुटू शकतील.
स्थानिक नगरसेवक वसंत मोरे यांनी बुधवारी पत्रकार परिषदेत ही माहिती दिली. कात्रज उद्यानातील फुलराणीच्या प्रकल्पाचे काम गेले वर्षभर सुरू होते. या संपूर्ण प्रकल्पाला एक कोटी ३२ लाख रुपये खर्च आला असून, स्थानिक स्वराज्य संस्थांमध्ये जेथे जेथे फुलराणी आहे त्यातील ही सर्वात मोठी फुलराणी असल्याचे मोरे यांनी सांगितले. या फुलराणीला चार डबे असून रुळांची लांबी ४२७ मीटर इतकी आहे. त्यातून एकावेळी चौसष्ट जण प्रवास करू शकतील.
फुलराणीच्या मार्गावर एक बोगदाही करण्यात आला असून, प्रौढांसाठी वीस आणि लहानांसाठी दहा रुपये असे तिकीट दर ठेवण्यात येणार असल्याची माहिती मोरे यांनी दिली. या फुलराणीचे उद्घाटन मनसेचे अध्यक्ष राज ठाकरे यांच्या हस्ते शनिवारी सायंकाळी साडेपाच वाजता होणार आहे. महापौर दत्तात्रय धनकवडे आणि पदाधिकाऱ्यांची या वेळी प्रमुख उपस्थिती असेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 30, 2015 3:07 am

Web Title: phulrani katraj raj thackeray mns
टॅग Mns,Raj Thackeray
Next Stories
1 पुण्यात आता रस्तोरस्ती बुलेट!
2 राज्यासाठी लवकरच नवीन परिवहन कायदा- दिवाकर रावते
3 ‘एक हजाराची नोट’ला चित्रपदार्पण पुरस्कार
Just Now!
X