पिंपरी-चिंचवड शहरात वाहन तोडफोडीचे सत्र सुरूच आहे. गुरुवारी मध्यरात्री दुचाकीवरून आलेल्या समाजकंटकांनी परिसरात वाहनांची तोडफोड केली. या प्रकरणी पिंपरी पोलिसांनी एका संशयिताला ताब्यात घेतले. गुरुवारी मध्यरात्री दुचाकीवरून आलेल्या तीन अज्ञात समाजकंटकांनी चिंचवडमधील मोहननगर येथे दोन रिक्षा आणि चारचाकी वाहनांची कोयत्याने तोडफोड केली. याप्रकरणी पिंपरी पोलिसात गुन्हा दाखल करण्यात आला आहे. हा सर्व प्रकार सीसीटीव्हीत कैद झाला आहे. या आधारे पोलिसांनी तपास सुरु केला असून एका संशयिताला पोलिसांनी ताब्यात घेतले आहे. पिंपरी- चिंचवडमध्ये गेल्या काही दिवसांपासून समाजकंटकांकडून वाहनांच्या तोडफोडीचे सत्र सुरुच आहेत. समाजकंटकांवर लगाम लावण्यात पोलीस सपशेल अपयशी ठरल्याचे दिसते.
