शहरातील उच्चभ्रू मानल्या जाणाऱ्या पिंपळे सौदागर येथील शिवार गार्डन परिसरात मसाज सेंटरच्या नावाखाली चालवलेल्या हायप्रोफाईल सेक्स रॅकेटचा सांगवी पोलिसांनी पर्दाफाश केला आहे. यावेळी पोलिसांनी घटनास्थळारून थायलंड येथील ५ युवतींची सुटका केली आहे. तसेच शिवा मसाज पार्लर चालवणा-या दोघांना अटक केली आहे. पोलिसांनी दिलेल्या माहितीनुसार, सांगवी पोलिसांना खबऱ्यांमार्फत मिळालेल्या माहितीवरून काल (दि.28) रात्री उशिरा पोलिसांनी छापा टाकत थायलंडच्या पाच तरुणीची सुटका केली. आरोपी अमोल जाधव आणि त्याचा आणखी एक साथीदार हा पिंपळे सौदागर येथे शिवा मसाज पार्लरच्या नावाखाली वेश्याव्यसाय चालवत होते. विशेष म्हणजे पिंपळे सौदागर येथे उच्चभ्रू नागरिक राहतात. या प्रकरणी सांगवी पोलिसांत अमोल जाधव आणि आणखी एकावर गुन्हा दाखल करण्यात आला आहे. सांगवी पोलिसांनी ही कामगिरी केली. या रॅकेटमध्ये आणखी कोणाचा समावेश आहे का? याबाबत पोलिस अधिक तपास करीत आहेत.