जुन्या मुंबई-पुणे रस्त्यावर भोकारपडा येथे सोमवारी सकाळी एसटी बसला अपघात झाला. एसटी बस बोरीवलीहून सोलापूरच्या दिशेने जात असताना ब्रेक फेल झाल्यामुळे चालकाचे स्टेअरिंगवरील नियंत्रण सुटले व अपघात घडला.यामध्ये एसटी बस पलटी झाली. राष्ट्रीय महामार्ग चारवर हा अपघात घडला. सात ते आठ प्रवासी या अपघातात जखमी झाले असून त्यांना नजीकच्या रुग्णालयात दाखल करण्यात आले आहे. या बसमध्ये एकूण ३७ प्रवासी होते. नितीन लोटके, सचिन चांदणे, पापु रोकडे, पुष्पा तानाजी कांबळे, रंजना पोहोकर अशी जखमींची नावे आहेत.
