28 November 2020

News Flash

राज्यात दोन दिवस पावसाचा इशारा

मध्य महाराष्ट्र, मराठवाडा, विदर्भात तुरळक सरींचा अंदाज

(संग्रहित छायाचित्र)

अरबी समुद्रात निर्माण झालेल्या कमी दाबाच्या पट्टय़ामुळे मध्य महाराष्ट्र, मराठवाडा आणि विदर्भात पुढील दोन दिवस पावसाचा इशारा हवामान विभागाने दिला आहे. गुरुवारी मध्य महाराष्ट्रात काही ठिकाणी पावसाने हजेरी लावली.

उत्तरेकडून थंड वाऱ्यांचे प्रवाह येत असले तरी सध्या समुद्रातून होणाऱ्या बाष्पाच्या पुरवठय़ामुळे त्यांचा प्रभाव कमी झाला आहे. त्यामुळे रात्रीच्या किमान तापमानात मोठय़ा प्रमाणावर वाढ होऊन सध्या राज्यातील सर्वच भागांतून थंडी गायब झाली आहे. अनेक भागांत किमान तापमान सरासरीच्या तुलनेत ४ ते ७ अंश सेल्सिअसने वाढले आहे. अरबी समुद्रातील कमी दाबाच्या क्षेत्रामुळे ढगाळ स्थिती निर्माण झाली आहे. या सर्वाचा परिणाम म्हणून बहुतांश भागांत काही प्रमाणात उकाडा जाणवत आहे. पावसाळी स्थिती निवळेपर्यंत तापमानातील वाढ कायम राहणार आहे.

मध्य महाराष्ट्रातील पुणे, सातारा, सांगली, सोलापूर, मराठवाडय़ातील औरंगाबाद, जालना, परभणी, बीड, नांदेड, लातूर, हिंगोली, उस्मानाबाद, विदर्भातील अकोला, अमरावती, बुलढाणा, चंद्रपूर, नागपूर, गडचिरोली, वर्धा आदी जिल्ह्यांमध्ये पावसाची शक्यता व्यक्त करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 20, 2020 12:14 am

Web Title: two days rain warning in the state abn 97
Next Stories
1 विद्यापीठ कायद्यातील सुधारणांमध्ये शैक्षणिक क्षेत्रातील सूचनांना प्राधान्य
2 पुण्यात चोवीस तासात ४११ तर पिंपरीत १७९ रुग्ण करोना पॉझिटिव्ह
3 सामना हे महाराष्ट्राला दिशा देणारं वैचारिक मुखपत्र – प्रविण दरेकर
Just Now!
X