पिंपरीः निघोजे येथील महिंद्रा लॉजिस्टिक कंपनीच्या कामगारांना १२ हजार ८०० रुपयांची वेतनवाढ मिळाली आहे. कंपनीचे व्यवस्थापन आणि स्वाभिमानी श्रमिक कामगार संघटना यांच्यात हा वेतनवाढ करार झाला. कराराचा कालावधी १ नोव्हेंबर २०२२ ते २८ फेब्रुवारी २०२६ असा साडेतीन वर्षांचा राहणार आहे. हेही वाचा >>> पिंपरी-चिंचवड पालिकेच्या वतीने फेरीवाल्यांचे सर्वेक्षण सुरू संघटनेचे प्रमुख सल्लागार आमदार महेश लांडगे, रोहिदास गाडे, महिंद्रा कंपनीचे उपाध्यक्ष विजय नायर, उद्योजक संतोष शिंदे, अध्यक्ष जीवन येळवंडे यांच्या प्रमुख उपस्थितीत वेतनवाढ करार करण्यात आला. संघटनेकडून किसन बावकर, कृष्णा रोहोकले, रघुनाथ मोरे, शाम सुळके, अमृत चौधरी, तेजस बिरदवडे तर व्यवस्थापनाच्या वतीने महिंद्रा कंपनीचे उपाध्यक्ष प्रसन्ना पहाडे, एडविन लोबो, प्रदीप झोटिंग, जोगिंदर सिंग, सुनील धानोरकर, श्रेयस आचार्य, शेखर करंजीकर यांनी करारावर स्वाक्षरी केल्या. कार्यक्रमाचे प्रास्ताविक प्रदीप झोटिंग यांनी केले. सूत्रसंचालन पूजा थिगळे यांनी केले. कृष्णा रोहोकले यांनी आभार मानले.
