पुणे : बिग बॉस फेम अभिनेता अभिजीत बिचुकले याच्या मोटारीला अपघात झाला. बिचुकले याच्या डोक्याला किरकोळ दुखापत झाली आहे. खासगी रुग्णालयात उपचार घेतल्यानंतर त्याला सोडण्यात आले. डॉक्टरांनी बिचुकले याला विश्रांतीचा सल्ला दिला आहे. बिचुकले मूळचा साताऱ्यातील असून सध्या तो पुण्यात व्यवसायानिमित्त स्थायिक झाला आहे. मंगळवारी दुपारी त्याच्या मोटारीचा किरकोळ अपघात झाला. त्या वेळी त्याच्या बरोबर चार मित्र होते. बिचुकलेच्या डोक्याला दुखापत झाली आहे. बिचुकलेच्या मित्रांनाही दुखापत झाली आहे. दरम्यान, बिचुकले यांच्याशी संपर्क साधला असता त्याने सुखरुप असल्याचे सांगितले.
