वयाचा अडसर दूर करत ६३ वर्षी वकिलीचे स्वप्न साकार! शिरूरचे बाबूराव पाचंगे यांची यशस्वी संघर्षगाथा

याबाबत बाबूराव पाचंगे म्हणाले,‘ खरेतर ६० वर्षे ही सेवानिवृत्त्तीचे वय; पण या सेवानिवृत्त्तीचा वयात बी. ए . पदवी मिळवून ६३ व्या वर्षी वकिलीची पदवी प्राप्त केली . मला परिस्थितीमुळे आणि अन्य काही अडचणीमुळे कॉलेज जीवन व उच्च शिक्षण पूर्ण करता आले नाही. आपले पदवीचे शिक्षण पूर्ण व्हावे, पदवी मिळावी असे स्वप्न होते. या स्वप्नापर्यत जाण्याचा मार्ग सापडत नव्हता. अशा वेळी चांदमल ताराचंद बोरा महाविद्यालयातील मुक्त विद्यापीठाचे केंद्र संयोजक प्रा. चंद्रकांत धापटे यांच्याशी भेट झाली. परिस्थिती व अन्य कारणामुळे ज्यांना पदवीचे शिक्षण पूर्ण करता येत नाही असे विद्यार्थी, नागरिक हे मुक्त विद्यापीठाच्या माध्यमातून शिक्षण पूर्ण करू शकतात, असे त्यांनी सांगितले. त्यानंतर बोरा महाविद्यालयाचा मुक्त विद्यापीठाच्या अभ्यास केंद्रात प्रवेश घेतला. कामाचा व्याप, वाढते वय यामुळे अभ्यासाचा ताण येत होता. त्यावर मात करत पदवी मिळविली.

या धडपडीत पत्नी वत्सला, मुलगा सूरज, सून सान्वी, मुलगी वर्षा आणि जावई तहसिलदार डॉ. अरविंद घेमूड, प्रा. संदीप जाधव, ॲड . गणेश सटाले, ॲड. अनिकेत पाचर्णे यांनी प्रोत्साहन दिल्याचे पाचंगे नमूद करतात. शिरुर शिक्षण प्रसारक मंडळाचे सचिव नंदकुमार निकम, बोरा महाविद्यालयाचे प्राचार्य डॉ. के. सी. मोहिते, प्रा. डॉ . अंबादास केत, शाहू शिक्षण संस्थेचे विश्वस्त ॲड. नारायणराव साठे, सी. डी. देशमुख विधी महाविद्यालयाचे माजी प्राचार्य ॲड . रियाज बेग, प्राचार्य ॲड. सारंग गणबोटे यांनीही त्यांना या प्रवासात मदत केली.

‘समाजासाठी वकिली’

ग्रामीण भागातील लोकांना कायदेविषयक फारशी माहिती नसते. त्यांना सोप्या भाषेत कायदेविषयक मार्गदर्शन करणार आहे. तसेच समाजासाठी वकिली करत समाजसेवा करणार असल्याचे बाबूराव पाचंगे यांनी सांगितले.