पुणे : निवडणुकीच्या काळात तोंडातून चुकून गेलेला एखादा शब्द निवडणूक फिरवू शकतो. महायुतीच्या उमेदवारांचे मताधिक्य वाढवायचे आहे, घटवायचे नाही. त्यामुळे वादग्रस्त विधाने आणि आक्षेपार्ह कृती टाळा, अशी तंबी राज्याचे मुख्यमंत्री एकनाथ शिंदे आणि उपमुख्यमंत्री अजित पवार यांनी महायुतीच्या पदाधिकाऱ्यांना गुरुवारी दिली.

महायुतीचे पुणे लोकसभा मतदारसंघाचे उमेदवार मुरलीधर मोहोळ यांच्या प्रचारासाठी मेळाव्याचे आयोजन करण्यात आले होते. या मेळाव्यात मुख्यमंत्री शिंदे आणि उपमुख्यमंत्री अजित पवार यांनी या मेळाव्यात कार्यकर्त्यांना काही सूचना केल्या. विधान परिषदेच्या उपसभापती, डाॅ. नीलम गोऱ्हे, राज्याचे उच्च आणि तंत्र शिक्षणमंत्री चंद्रकांत पाटील, खासदार मेधा कुलकर्णी, पुण्याचे उमेदवार मुरलीधर मोहोळ, शिरूरचे उमेदवार शिवाजीराव आढळराव पाटील यांच्यासह महायुतीचे आमदार, शहराध्यक्ष आणि अन्य पदाधिकारी यावेळी उपस्थित होते.

Chhagan Bhujbal - Sharad Pawar
“पक्ष फुटला नसता तर मीच मुख्यमंत्री झालो असतो”, शरद पवारांच्या ‘त्या’ दाव्यावर छगन भुजबळांची प्रतिक्रिया
mallikarjun Kharge, mallikarjun Kharge Slams narendra Modi, mallikarjun Kharge Slams narendra Modi s Exaggerations , Predicts BJP s Defeat, BJP s Defeat in lok sabha 2024 elections, congress, bjp, politics news,
अतिशयोक्ती करणाऱ्या पंतप्रधानाकडे सांगण्याजोगे आहेच काय?-खरगे
Devendra Fadnavis
महायुतीत पुढील मुख्यमंत्री कोण असेल? फडणवीस स्पष्ट म्हणाले, “ज्या पक्षाच्या जास्त जागा…”
Sunil Tatkare, advice, Hemant Godse,
संभ्रम करणारी विधाने टाळावीत, सुनील तटकरे यांचा हेमंत गोडसे यांना सल्ला
himanta Sarma on Lok sabha Election
“४०० जागा मिळाल्या की..”, संविधान बदलाच्या चर्चेनंतर आता भाजपा नेत्याकडून वेगळा विषय समोर
arvind kejriwal
‘मोकळय़ा’ केजरीवालांच्या तावडीत आता भाजपचे सावज!
Who is Sam Pitroda In trouble
कोण आहेत सॅम पित्रोदा? वर्णद्वेषावर विधान केल्याने अडचणीत; काँग्रेसच्या ओव्हरसीज अध्यक्षपदाचाही दिला राजीनामा
rahul gandhi clarifies his stance on the controversy over the congress manifesto
जातगणनेच्या नावाने ‘देशभक्त’ भयग्रस्त; राहुल गांधी यांची टीका, संपत्तीच्या फेरवाटपाच्या आरोपांनाही उत्तर

हेही वाचा >>>शरद पवार-धैर्यशील मोहिते पाटील भेटीनंतरही माढ्याची उमेदवारी गुलदस्त्यातच

कार्यकर्ता जेव्हा निवडणूक हाती घेतो तेव्हा उमेदवाराचा विजय नक्की असतो. उन्हाळ्याचे दिवस असल्याने बूथवर काम करणाऱ्या कार्यकर्त्यांनी लोकांना मतदानासाठी बाहेर काढणे आवश्यक आहे. महायुतीचे ४५ पेक्षा जास्त खासदार राज्यातून निवडून द्यायचे आहेत. प्रचार करताना डोक्यावर बर्फ आणि तोंडात खडीसाखर ठेवा. जो मतदार असतो तो बोलून दाखवितो. त्याचे म्हणणे नीट ऐका. केंद्र आणि राज्य शासनाची कामांची माहिती शेवटच्या घटकांपर्यंत पोहोचवा, असे आवाहन मुख्यमंत्री शिंदे यांनी केले.

पंतप्रधान नरेंद्र मोदी यांना तिसऱ्यांदा पंतप्रधान करायचे आहे. मोदींना मतदान करण्यासाठी मतदार उत्सुक आहेत. महायुती असल्याने राज्यात भाजपच्या कमळ या चिन्हाबरोबरच राष्ट्रवादी काँग्रेसचे घड्याळ आणि शिवसेनेचे धनुष्यबाण ही चिन्हे आहेत. त्यामुळे घड्याळ आणि धनुष्यबाणाला मत म्हणजे मोदींना मत हे लोकांना समजावून सांगावे लागेल. त्यादृष्टीने प्रचार करा, अशी सूचनाही त्यांनी केली.

हेही वाचा >>>पिंपरी : मोशीत जलवाहिनीला गळती, हजारो लीटर पाणी वाया

‘रुसवे-फुगवे सामंजस्याने मिटवा’

लोकसभेची निवडणूक विधानसभेची रंगीत तालीम आहे. राजकीय दृष्टिकोनातून ही निवडणूक महत्त्वाची आहे. निवडणूक सोपी आहे, असे गृहीत धरू नका. आपापसातील रुसवे-फुगवे सामंजस्याने मिटवून महायुतीची एकजूट दाखवावी लागणार आहे. निवडणुकीत वादग्रस्त विधाने आणि आक्षेपार्ह कृती करू नका, अशी तंबी अजित पवार यांनी दिली. विरोधकांकडून भ्रम आणि अफवा पसरविल्या जातील. त्याकडे लक्ष द्या. दगाफटका होणार नाही, याची दक्षता घ्या. विकासाच्या मुद्द्यावर निवडणूक लढविण्यासाठी कामे लोकांपर्यंत पोहोचवा. समाजमाध्यमाबाबत दक्ष राहतानाच विरोधकांना योग्य उत्तर द्या, असे पवार यांनी सांगितले.

देवेंद्र फडणवीस अनुपस्थित

या मेळाव्याला उपमुख्यमंत्री, भाजप नेते देवेंद्र फडणवीस अनुपस्थित होते. यासंदर्भात अजित पवार म्हणाले की, महायुतीमध्ये कोणतीही नाराजी नाही. फडणवीसही या मेळाव्याला येणार होते. मात्र, केंद्रीय गृहमंत्री अमित शाह विदर्भात आहेत. फडणवीस त्यांच्यासमवेत आहेत. त्यामुळे ते मेळाव्याला येऊ शकले नाहीत.