काँग्रेस नेते व माजी गृहराज्यमंत्री रमेश बागवे यांच्या गाडीतून रिव्हॉल्व्हरची चोरी; पोलीस स्टेशनमध्ये गुन्हा दाखल

पोलिसांनी दिलेल्या माहितीनुसार, रमेश बागवे यांचे २८ डिसेंबर रोजी विविध ठिकाणी कार्यक्रम होते. त्या निमित्ताने अनेक ठिकाणी प्रवास झाला. त्यांच्या वाहनामधील मागील सीटच्या खालील बाजूस रिव्हॉल्वर ठेवली होती. पण काही वेळाने रमेश बागवे यांना रिव्हॉल्वर दिसून आली नाही.

त्यावर त्यांनी गाडीची पूर्ण तपासणी केली. मात्र ती कुठेच आढळून आली नाही. त्याबद्दल तक्रार दिली असता, आम्ही चोरीचा गुन्हा दाखल केला असून बनावट चावीने लॉक उघडून रिव्हॉल्व्हर चोरून नेल्याची शक्यता आहे. त्यानुसार अधिक तपास करण्यात येत असल्याचे खडक पोलिसांनी सांगितले.