पिंपरीत कंटेनर आणि दुचाकीची धडक, दोन ठार

भक्ती शक्ती चौकात पुलाचे काम सुरू असून येथे वाहनांची मोठी वर्दळ असते

पिंपरी-चिंचवडमध्ये निगडीच्या भक्ती शक्ती चौकाजवळ कंटेनर आणि दुचाकी चा भीषण अपघात झाला आहे. या घटनेत दोघांचा मृत्यू झाला असून एक जण गंभीर जखमी आहे. त्याच्यावर खासगी रुग्णालयात उपचार सुरू आहेत. हा अपघात रात्री झाला आहे असं पोलिसांनी सांगितले आहे. दरम्यान, कंटेनर चालक फरार झाला असून देहूरोड पोलीस  त्याचा शोध घेत आहेत.

सौदागर दशरथ लोंढे (वय-२७, ऐश) मोहम्मद खान (वय-२३) या दोघांचा मृत्यू झाला आहे. तर ज्ञानेश्वर दत्तू कांबळे वय-२६ असे गंभीर जखमी झालेल्या व्यक्तीचे नाव आहे.

पोलिसांनी दिलेल्या माहितीनुसार, शुक्रवारी रात्री उशिरा भरधाव वेगात दुचाकी भक्ती शक्ती चौकाच्या दिशेने जात होती. तेव्हा, अचानक कंटेनर समोरून वळताना दिसला मात्र दुचाकी वरील नियंत्रण सुटून थेट चाकाखाली गेली यात दोघांच्या अंगावरून कंटेनर गेले असून एक जखमी झाला आहे. दरम्यान, कंटेनर चालक हा फरार झाला आहे अशी माहिती देहूरोड पोलिसांनी दिली असून त्याचा शोध सुरू आहे.

गेल्या काही महिन्यांपासून भक्ती शक्ती चौकात पुलाचे काम सुरू आहे. मात्र, येथे मोठ्या प्रमाणावर वाहनांची वर्दळ असते. त्या प्रमाणे वाहतूक सुरळीत करण्यात वाहतूक पोलिसांनी यश आलेले नाही. नेहमीच येथे वाहतूक कोंडी होत असते, त्यामुळे दोघांच्या मृत्यू जबाबदार कोण असा प्रश्न निर्माण होत आहे. घटनेचा अधिक तपास देहूरोड पोलीस करत आहेत.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Container and bike accident in nigdi pimpri two dead scj 81 kjp

Next Story
मेट्रोचे स्टेशन कोथरूडच्या कचरा डेपोच्या जागीच होणार
ताज्या बातम्या