पुणे : मुंढवा भागातील एकाच कुटुंबातील चौघांनी आत्महत्या केल्याची धक्कादायक घटना शुक्रवारी रात्री उशिरा उघडकीस आली. या घटनेची माहिती मिळताच मुंढवा पोलीस ठाण्याचे वरिष्ठ पोलीस निरीक्षक अजितकुमार लकडे आणि पथकाने घटनास्थळी धाव घेतली. आत्महत्या करणाऱ्यांची नावे अद्याप समजू शकलेली नाहीत. पोलिसांचे पथक घटनास्थळी पोहोचले असून अधिक तपास करण्यात येत आहे. एकाच कुटुंबातील चौघांनी आत्महत्या केल्याची घटना उघडकीस आल्यानंतर परिसरात खळबळ उडाली आहे. पोलिसांकडून परिसरातील रहिवाशांची चौकशी करण्यात येत आहे.
