राज्य माध्यमिक व उच्च माध्यमिक शिक्षण मंडळाने घेतलेल्या बारावीच्या परीक्षेचा निकाल येत्या बुधवारी, २७ मे रोजी दुपारी एक वाजता ऑनलाईन जाहीर करण्यात येणार आहे. शिक्षण मंडळाचे अध्यक्ष गंगाधर मम्हाणे यांनी सोमवारी ही माहिती दिली. दुपारी एक वाजता मंडळाच्या संकेतस्थळावर विद्यार्थ्यांना निकाल पाहता येईल. पुढील आठवड्यात विद्यार्थ्यांना गुणपत्रिकेची प्रत मिळणार आहे. गेल्या काही दिवसांपासून बारावीचा निकाल कधी लागणार, याकडे शैक्षणिक वर्तुळाचे लक्ष लागले होते.
