पुणे : परदेशात नोकरीच्या आमिषाने युवकांची फसवणूक केल्याप्रकरणी दाखल गुन्ह्यात एनसीबीचा पंच किरण गोसावीच्या साथीदार महिलेला लष्कर पोलिसांनी अटक केली. कुसुम गायकवाड असे अटक करण्यात आलेल्या महिलेचे नाव आहे. परदेशात नोकरीच्या आमिषाने फसवणूक केल्याप्रकरणी गोसावी आणि साथीदार महिला गायकवाड यांच्याविरोधात लष्कर पोलीस ठाण्यात गुन्हा दाखल झाला होता. गोसावीविरोधात शहरातील फरासखाना, लष्कर, वानवडी पोलीस ठाण्यात गुन्हे दाखल आहेत. गुन्हा दाखल झाल्यानंतर गायकवाड पसार झाली होती.
