मुंबई-पुणे रेल्वे मार्गावर बोरघाटात ठाकूरवाडी- मंकीहील दरम्यान संध्याकाळी रेल्वे मार्गावर दरड कोसळल्याने पुण्याकडे जाणारी वाहतूक खोळंबली आहे. लोणावळा परिसरात दिवसभर पाऊस सुरू आहे. आज रात्री आठ वाजण्याच्या सुमारास रेल्वेच्या डाऊन आणि मिडल लाईनवर सैल झालेल्या दरडी कोसळल्या. सुदैवाने यामध्ये कोणतीही हानी झाली नसली तरी मुंबई-पुणे दरम्यानची रेल्वे वाहतूक ठप्प झाली आहे. पुणे – कोल्हापूर सह्याद्री एक्सप्रेस बोरघाटात अडकून पडल्याने प्रवाशांचा खोळंबा झाला आहे. रेल्वे पोलीस घटनास्थळी दाखल होत असून रात्री उशिरा दरड काढण्याचे काम पूर्ण होण्याची शक्यता आहे.