पिंपरी-चिंचवड : त्रिकोणी प्रेमप्रकरणातून प्रेयसी आणि प्रियकराची हत्या

हत्या झालेल्या मंगलाचे जगन्नाथ सरोदे आणि दत्तात्रेय साबळे या दोघांसोबत प्रेमसंबंध होते. रात्री उशिरा मंगला आणि जगन्नाथ एकत्र आले होते. त्याच वेळेत आरोपी दत्तात्रेय साबळे देखील तिथं पोहचला. दोघांना एकत्र बघून आरोपी दत्तात्रेयला राग अनावर झाला, त्यांच्यात वाद झाले. याच वादातून दत्तात्रेय याने दगडाने ठेचून दोघांची हत्या केली. देहूरोड पोलीस ठाण्याच्या हद्दीत तळवडे परिसरात ही घटना घडलेली आहे. मंगलाचा विवाह झालेला आहे. हत्येच्या घटनेमुळे खळबळ उडाली असून पोलिसांनी आरोपी दत्तात्रेय साबळे याला तात्काळ बेड्या ठोकल्या आहेत. अधिक तपास देहूरोड पोलीस करत आहेत.