पुणे : रक्षाबंधन सणानिमित्त पीएमपीच्या वतीने जादा गाड्यांचे नियोजन करण्यात आले आहे. पुणे आणि पिंपरी-चिंचवड मधील प्रवाशांना त्याचा फायदा होणार असून रक्षाबंधनाच्या दिवशी १ हजार ८०९ गाड्या या दोन्ही शहरातील मार्गांवर उपलब्ध करून देण्यात येणार आहेत.

दरवर्षी रक्षाबंधन दिवशी मोठ्या संख्येने प्रवासी पीएमपीमधून प्रवास करतात. त्यासाठी दैनंदिन संचलनात असलेल्या १ हजार ७५५ गाड्यांव्यतिरिक्त ५४ गाड्या अशा एकूण १ हजार ८०९ गाड्या गुरुवारी (११ ऑगस्ट) पुणे आणि पिंपरी-चिंचवड शहरात धावणार आहेत. या गाड्या मुख्यत्वे गर्दीच्या बसस्थानकावरून कात्रज, चिंचवड गांव, निगडी, सासवड, हडपसर, वरवंड, वाघोली, जेजुरी, आळंदी, तळेगांव, भोसरी, रांजणगांव,राजगुरूनगर आणि देहूगांव आदी ठिकाणी सोडण्यात येणार आहेत. जादा गाड्या सोडण्यात येणार असल्याने वाहक, चालक, पर्यवेक्षकीय सेवकांच्या साप्ताहिक सुट्ट्या रद्द करण्यात आल्या आहेत. पुणे आणि पिंपरी-चिंचवडमधील महत्त्वाच्या स्थानकांवर बस संचलन नियंत्रणासाठी अधिकाऱ्यांच्या नियुक्त्या करण्यात आल्या आहेत. प्रवाशांच्या मदतीसाठी महत्वाच्या स्थानकांवर आणि बसथांब्यावर प्रवाशांना मार्गदर्शन आणि वाहतूक नियंत्रणासाठी अन्य अधिकारी आणि कर्मचाऱ्यांवरही जबाबदारी देण्यात आली आहे, अशी माहिती पीएमपीच्या वाहतूक विभागाकडून देण्यात आली.

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
Development Plan, Navi Mumbai, Wetlands, Residential Complexes, Political Silence, flamingo, environment,
नवी मुंबई : पाणथळीच्या जागा निवासी संकुलांसाठी खुल्या करण्याचा निर्णय, पर्यावरणप्रेमींचा विरोध, नेत्यांचे सोईस्कर मौन
house burglars
घरफोडी करणाऱ्या टोळीचे जाळे उद्ध्वस्त, हसन कुट्टीसह १० गुन्हेगार ताब्यात
Demolition of Shiv flyover delayed again due to examinations Mumbai
मुंबई: परीक्षांमुळे शीव उड्डाणपुलाचे पाडकाम पुन्हा लांबणीवर