scorecardresearch

Premium

उजनी धरणातील मासेमारीबाबत जिल्हाधिकाऱ्यांनी घेतला ‘हा’ कठोर निर्णय

उजनी जलाशयात पुणे जिल्ह्यातील दौंड आणि इंदापूर, सोलापूरमधील माढा, करमाळा, तर नगर जिल्ह्यातील कर्जत आणि श्रीगोंदा तालुक्यातील परवानाधारक आणि विनापरवाना मत्स्यव्यावसायिक अनधिकृतपणे लहान मासळी मासेमारी करत असल्याचे आढळून आले आहे.

pune District Collector, fishing, Ujani Dam
उजनी धरणातील मासेमारीबाबत जिल्हाधिकाऱ्यांनी घेतला 'हा' कठोर निर्णय

पुणे : उजनी जलाशयात लहान मासळी मासेमारी करणारे मत्सव्यवसायिक, जलाशयालगत संपादित क्षेत्रात अनधिकृतपणे बंदी घालण्यात आलेल्या मांगूर मत्स्यपालन करणाऱ्यांवर संयुक्त कारवाई करावी. गुन्हे दाखल करावेत. मासेमारी करण्यासाठी परवाना बंधनकारक आहे, असे कठोर निर्णय जिल्हाधिकारी डॉ. राजेश देशमुख यांनी सोमवारी घेतले.

उजनी जलाशयात पुणे जिल्ह्यातील दौंड आणि इंदापूर, सोलापूरमधील माढा, करमाळा, तर नगर जिल्ह्यातील कर्जत आणि श्रीगोंदा तालुक्यातील परवानाधारक आणि विनापरवाना मत्स्यव्यावसायिक अनधिकृतपणे लहान मासळी मासेमारी करत असल्याचे आढळून आले आहे. त्याला प्रतिबंध घालण्याच्या अनुषंगाने डॉ. देशमुख यांच्या अध्यक्षतेखाली जलसंपदा, पोलीस, महसूल, मत्स्यव्यवसाय विभाग, महाराष्ट्र प्रदूषण नियंत्रण मंडळ आणि स्थानिक मच्छिमार संघटनांचे प्रतिनिधी यांच्या बैठकीत जिल्हाधिकाऱ्यांनी कारवाईचे आदेश दिले.

Factory owners of Kolhapur and Sangli district will pay Rs 100 from last season says Hasan Mushrif
कोल्हापूर, सांगली जिल्ह्यातील कारखानदार मागील हंगामातील १०० रुपये देणार – हसन मुश्रीफ
Acid attack on wife Panvel Taluka
पत्नीवर अ‍ॅसीड हल्ला, पनवेल तालुक्यातील घटना
Leopard stay at Sherpar village in Deori taluka forest department warned people to be alert
सावधान..! देवरी तालुक्यातील शेरपार गावात बिबट्याचा मुक्काम; वनविभागाने दिला जनतेला सतर्क राहण्याचा इशारा
Yavatmal district murders
दोन खुनांच्या घटनांनी यवतमाळ जिल्हा हादरला; आर्णीत जावयाकडून सासऱ्याची हत्या, पांढरकवडात तरुणाला संपविले

हेही वाचा… ललित पाटील प्रकरणात येरवडा कारागृहातील डॉक्टर गजाआड

लहान मासळी मासेमारी, मांगूरपालन करु नये, लहान मासळी मासेमारीकरीता वापरण्यात येणारी जाळी व साहित्य त्वरीत नष्ट करावे. प्रतिबंधित मांगूर मत्स्यपालन करणाऱ्यांनी त्यांच्याकडील मांगूर मासा साठा नष्ट करावा. उजनी जलाशय संपादित क्षेत्रात असणारी शेततळी नष्ट करावीत. संपादित क्षेत्रात अशा प्रकारचे कोणताही गैरप्रकार आढळून आल्यास संबंधितावर कायदेशीर कारवाई करण्यात येईल.

हेही वाचा… राज्य मागासवर्ग आयोगाच्या आणखी एका सदस्याचा राजीनामा; जाणून घ्या कारण

मासेमारी करण्यासाठी परवाना बंधनकारक आहे. स्थानिक मत्स्यव्यवसायिकांनी उजनी जलाशयात मासेमारीसाठी आवश्यक परवाना नजीकच्या जलसंपदा विभाग शाखा कार्यालयाशी संपर्क साधून घ्यावा. परवाना नसलेल्या मत्स्यव्यवसायिकांवर विनापरवाना जलाशयात प्रवेश केल्याबद्दल कारवाई करण्यात येईल, असे उजनी धरण व्यवस्थापन विभागाच्या कार्यकारी अभियंत्यांनी सांगितले

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Pune district collector took tough decision regarding fishing in ujani dam pune print news psg 17 asj

First published on: 04-12-2023 at 20:14 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×