पुणे – धक्का लागला म्हणून गाडीवर दगडफेक, घटना सीसीटीव्हीत कैद

विलास बबन शिंदे आळंदीहून औंधच्या दिशेने जात असताना त्यांच्या मोटारीला दुचाकीने कट मारण्याचा प्रयत्न केला असता धडक लागली. यावेळी गाडीमालक शहाजान खानदेखील गाडीत होते. यानंतर दुचाकीवरील दोघा तरुणांनी संताप व्यक्त करत त्यांच्यावर हल्ला करण्याचा प्रयत्न केला. यावेळी त्यांनी रस्त्यावरील दगड उचलून गाडीच्या काचा फोडण्याचा प्रयत्न केला. हा सर्व प्रकार सीसीटीव्हीत कैद झाला असून आरोपी अद्याप मोकाट आहेत. भोसरी पोलीस याप्रकरणी अधिक तपास करत आहेत.

पोलिसांनी दिलेल्या माहितीनुसार, चालक विलास बबन शिंदे (२५) आणि गाडीमालक शहाजान खान हे आळंदीवरून औंधच्या दिशेने त्यांच्या मोटारीने जात होते. दापोडी येथे वळणावर दुचाकीवरील दोघांनी कट मारला आणि मोटारीला धडक देऊन ते खाली पडले. याचाच राग मनात धरून अज्ञात आरोपींनी गाडीमधील फिर्यादी यांना जाब विचारला हाताने गाडीच्या काचा फोडल्या. तसंच मोटारीला दोन दुचाकी आडव्या लावून पुढे जाण्यास विरोध केला. हा प्रकार १२ ते १५ मिनिटे सुरू होता. दुचाकीवरील दोघांपैकी एकाने जीवे ठार मारण्याचा उद्देशाने मोटारीवर दगड फेकले. हा सर्व सीसीटीव्ही कैद झाला आहे.