कल्याणीनगर अपघात प्रकरण : ससूनमधील डॉक्टरला पैसे पोहोचविणारे अटकेत, रक्ताचे नमुने बदलण्यासाठी आर्थिक देवाणघेवाण

हेही वाचा >>> Pune Lok Sabha Election Results 2024 : माझा विजय गिरीश बापट यांना समर्पित! मुरलीधर मोहोळ यांची भावना

अगरवालने डाॅ. तावरे यांना कोणामार्फत पैसे दिले, याचा तपास गुन्हे शाखेकडून सुरू होता. तपासात अगरवालने अश्फाक आणि अमर यांच्याशी संपर्क साधून डाॅ. तावरे यांना पैसे दिल्याची माहिती मिळाली. त्यानंतर पसार झालेल्या अश्फाक आणि अमर यांना गुन्हे शाखेच्या पथकाने अटक केली. पोलिसांनी दोघांना न्यायालयात हजर केले असता त्यांना १० जूनपर्यंत पोलीस कोठडीत ठेवण्याचा आदेश देण्यात आला आहे.

हेही वाचा >>> तरुणीचा खून करून प्रियकराची आत्महत्या; हडपसर भागातील हॉटेलमधील घटना; नातेसंबंधातील प्रेमप्रकरणाला विरोध झाल्याने टोकाचे पाऊल

कल्याणीनगर भागात १९ मे रोजी अपघात घडला होता. भरधाव मोटारीच्या धडकेत संगणक अभियंता तरुण-तरुणीचा मृत्यू झाला होता. याप्रकरणी विशाल अगरवालच्या अल्पवयीन मुलाला ताब्यात घेण्यात आले होते. मुलाने मद्यप्राशन केल्याची माहिती चौकशीत मिळाली होती. त्यानंतर पोलिसांनी त्याला ससून रुग्णालयात आणले. ससूनमधील डाॅ. तावरे यांच्याशी अगरवालने संपर्क साधला. मुलाच्या रक्तनमुन्यात बदल करण्यासाठी त्याने डाॅ. तावरे यांना पैसे दिले होते. मुलाला वाचविण्यासाठी त्याची आई शिवानी अगरवालने रक्त दिल्याचे तपासात उघड झाले. त्यानंतर याप्रकरणी शिवानी अगरवालसह पती विशालला अटक करण्यात आली.