पुणे जिल्ह्यातील चाकण-शिक्रापूर मार्गावर झालेल्या दुचाकी व अज्ञात वाहनाच्या धडकेत एकाच कुटुंबातील तिघे ठार झाले. हा भीषण अपघात सोमवारी रात्री शिक्रापूर गावाजवळ घडला. हणमंत ठाकर हे दुचाकीवरून पत्नी व मुलासह गावाकडे निघाले होते. गतिरोधक दिसल्याने त्यांनी अचानक दुचाकीचा ब्रेक दाबला. त्याचवेळी भरधाव येणाऱ्या अज्ञात वाहनाने ठाकर यांच्या दुचाकीला मागून  जोराची धडक दिली. यात दुचाकीवर बसलेले हणमंत ठाकर त्यांची पत्नी व मुलगा हे ठार झाले. या रस्त्यावर यापूर्वीही अपघातात अनेकांचे बळी गेले आहेत. परंतु प्रशासनाने दुर्लक्ष केले आहे.