scorecardresearch

Premium

आईच्या अपमानाचा बदला घेण्यासाठी मुलाकडून सराफावर कोयत्याने वार

युवराज अनिल गोरखे (वय २४, रा. वैदुवाडी, हडपसर) असे अटक करण्यात आलेल्याचे नाव आहे.

son stabbed businessman koyta avenge mother's insult pune
आईच्या अपमानाचा बदला घेण्यासाठी मुलाकडून सराफावर कोयत्याने वार

पुणे: आईच्या अपमानाचा बदला घेण्यासाठी मुलाने सराफ व्यावसायिकावर कोयत्याने वार केल्याचे उघडकीस आले आहे. लष्कर भागात शनिवारी रात्री सराफ व्यावसायिकावर दोघांनी कोयत्याने वार केले होते. याप्रकरणी पोलिसांनी एकास अटक केली. आईचा अपमान केल्याने सराफावर कोयत्याने वार करुन त्याच्या खुनाचा प्रयत्न केल्याची कबुली आरोपीने दिली आहे.

युवराज अनिल गोरखे (वय २४, रा. वैदुवाडी, हडपसर) असे अटक करण्यात आलेल्याचे नाव आहे. याप्रकरणी साथीदार सार्थक याच्याविरुद्ध गुन्हा दाखल करण्यात आला आहे. विजय विमलचंद मेहता (वय ३८, रा. कुमार कॅसल सोसायटी, काॅन्व्हेंट स्ट्रीट, लष्कर) असे जखमी झालेल्या सराफाचे नाव आहे. याबाबत मेहता यांचा भाऊ मनोज (३९) यांनी लष्कर पोलीस ठाण्यात फिर्याद दिली आहे.

accused hide on the scaffolding to avoid the police
पुणे : पोलिसांना गुंगारा देण्यासाठी आरोपी चक्क मचाणावर लपले
2 youth arrested for Killing elderly couple in thane
ठाण्यातील वृद्ध दाम्पत्याच्या हत्येप्रकरणी दोघांना अटक; चोरीच्या उद्देशातून हत्या केल्याचा प्राथमिक अंदाज
Uttarakhand riots
उत्तराखंडमध्ये दगडफेक, ५० पोलीस जखमी, दंगलखोरांना दिसताक्षणी गोळ्या घालण्याचे आदेश, मध्यरात्री काय घडलं?
man stole 111 bikes for household expenses after love marriage
नागपूर : प्रेमविवाह केल्यानंतर आर्थिक अडचणी वाढल्या; खर्च भागवण्यासाठी प्रेमविराने तब्बल १११ दुचाकी चोरल्या

हेही वाचा… एनएमएमएसएस शिष्यवृत्ती अर्जांसाठी मुदतवाढ; ३१ डिसेंबरपर्यंत संधी

पोलिसांनी दिलेल्या माहितीनुसार, आरोपी गोरखे याच्याविरुद्ध यापूर्वी गंभीर गुन्हे दाखल झाले आहेत. त्याची आई मेहता यांच्याकडे कामाला होती. विजय आणि गोरखेची आई यांच्यात वाद झाला होता. विजय यांनी आईवर चोरीचा आरोप केला होता. आईचा अपमान केल्याने गोरखे चिडला होता. शनिवारी (२ डिसेंबर) रात्री सव्वानऊच्या सुमारास विजय यांना आरोपींनी लष्कर भागातील सेंटर स्ट्रीट परिसरात अडवले. गोरखे आणि साथीदाराने त्यांच्यावर कोयता उगारला. विजय घाबरून पळाले. आरोपींनी पाठलाग करुन त्यांच्याव कोयत्याने वार केले. या घटनेनंतर परिसरात घबराट उडाली होती.

हेही वाचा… पुण्यात पैशांचा पाऊस पाडणारा भोंदूबाबा!

पसार झालेल्या गोरखेला पोलिसांनी अटक केली. आईचा अपमान केल्याने त्याने विजय यांच्यावर हल्ला केल्याची कबुली दिली. गुन्हे शाखेच्या पोलीस निरीक्षक प्रियंका शेळके तपास करत आहेत.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: The son stabbed the businessman with a koyta to avenge his mothers insult pune print news rbk 25 dvr

First published on: 04-12-2023 at 12:35 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×