पिंपरी-चिंचवड शहरातील तळवडे या ठिकाणी स्पार्कल कॅण्डलच्या कारखान्याला भीषण आग लागून जागीच सहा महिला कामगारांचा मृत्यू झाला होता. इतर गंभीर जखमी कामगारांना पुण्यातील ससून रुग्णालयात उपचारासाठी दाखल करण्यात आलं होतं. ससून रुग्णालयात उपचार घेत असलेल्या उषा पाडवी (वय-४०) यांचे आज सकाळी पावणेदहाच्या सुमारास निधन झालं.
तळवडे आगीच्या घटनेतील मृतांचा आकडा आता १४ वर पोहोचला आहे. घटनेमध्ये गंभीर जखमी असलेल्या शरद सुतारला रुग्णालयातून डिस्चार्ज देण्यात आला असून पोलिसांनी ताब्यात घेतल आहे. शरद सुतार हा शिवराज एन्टरप्रायजेस कंपनीचा मालक आहे. त्याच ठिकाणी स्पार्कल कँडल बनवल्या जात होत्या.
हेही वाचा – पुणे: शरीरसंबंधास विरोध केल्याने महिलेचा खून; दोघे गजाआड
जखमींना ससून रुग्णालयात उपचारासाठी दाखल करण्यात आले होते. त्यातील प्रतीक्षा तोरणे, कविता राठोड, शिल्पा राठोड, प्रियंका यादव, अपेक्षा तोरणे, कमल चौरे, सुमन गोधडे आणि आज उषा पाडवी यांचा उपचारादरम्यान मृत्यू झाला आहे. या घटनेतील मृतांचा आकडा आता १४ वर पोहोचला आहे. दरम्यान, नातेवाईकांच्या विनंतीनंतर घटनेतील जखमी रेणुका ताथोड यांना ससून रुग्णालयातून डिस्चार्ज देण्यात आला असून त्यांना पुढील उपचारासाठी नातेवाईकांनी अमरावती या ठिकाणी नेले आहे. घटनेतील गुन्हा दाखल असलेला जखमी शरद सुतार याला देखील ससून रुग्णालयातून डिस्चार्ज मिळाला असून त्याला पोलिसांनी ताब्यात घेतल आहे.
