‘एमपीएससी’च्या वनसेवा परीक्षेत वैभव दिघे प्रथम

आयोगातर्फे  सहायक वन संरक्षक गट अ, वनक्षेत्रपाल गट ब या संवर्गातील शंभर पदांसाठी भरतीसाठी १५ सप्टेंबर २०१९ रोजी मुख्य परीक्षा घेण्यात आली होती. निकालात वनक्षेत्रपाल पदासाठी खेळाडूसाठी आरक्षित चार पदांचा आणि अन्य तीन पदांचा निकाल प्रशासकीय कारणास्तव, तर अन्य एका उमेदवाराचा निकाल उच्च न्यायालयाच्या निर्णयानुसार राखून ठेवण्यात आला आहे. त्यामुळे या पदांची गुणवत्ता यादी, किमान पात्रता गुण (कट ऑफ) यथावकाश जाहीर करण्यात येईल, असे आयोगाकडून सांगण्यात आले आहे.

हा निकाल विविध न्यायालयांत किं वा न्यायाधिकरणात दाखल न्यायिक प्रकरणांच्या अंतिम न्यायनिर्णयांच्या अधीन राहून जाहीर करण्यात आल्याचे आयोगाने स्पष्ट के ले आहे. तसेच अंतिम निकालात शिफारसपात्र न ठरलेल्या उमेदवारांना त्यांच्या उत्तरपत्रिके तील गुणांची पडताळणी करायची असल्यास संबंधित उमेदवारांनी गुणपत्रिका उपलब्ध करून दिल्याच्या दिनांकापासून दहा दिवसांत आयोगाकडे अर्ज करावा, असेही आयोगाने नमूद के ले आहे.