घरीच बनवा हॉटेलसारखं मसाला काजू पनीर; ही सोपी रेसिपी फॉलो करा

काजूच्या ग्रेव्हीतली पनीर साहित्य –

• पनीर- लांब तुकडे,
• काजू (साधारण पाव वाटी) भिजवून त्याची पेस्ट
• बारीक चिरलेला कांदा (पाव कांदा)
• आलं लसूण पेस्ट
• लाल तिखट
• रजवाडी गरम मसाला
• हळद, जिरं, तेल
• थोडी कसुरी मेथी
• वरून थोडं क्रिम
• चवीप्रमाणे मीठ,वरून कोथिंबीर

काजूच्या ग्रेव्हीतली पनीर कृती –

• काजू निदान तासभर तरी पाण्यात भिजवून पेस्ट करून घ्यावी.

• पनीर रूम टेंप.ला आणून बोटाएवढे लांब तुकडे करून घ्यावेत.

• कांदा अगदी बारीक चिरावा म्हणजे भाजीत दिसणारही नाही.

• तेलाची जिरं घालून फोडणी करून त्यात कांदा चांगला परतावा. त्यावर आलं लसूण पेस्ट, रजवाडी गरम मसाला, लाल तिखट घालून आणखी परतावा.

• मग त्यात काजूची पेस्ट घालून मिक्स करावं. त्यातच थोडी हळद घालून चुरून कसूरी मेथीही घालावी (साधारण दोन चमचे पुरेल).

हेही वाचा >>

• मग त्यात पनीर घालून बारीक गॅसवर उकळी काढावी. वरून थोडं क्रिम घालून कोथिंबीर घालून सर्व करावं.