Cutlets: रविवारी अनेकांच्या घरी पोहे, उपमा, इडली बनवली जाते. पण सतत तेच तेच पदार्थ खाऊन कंटाळा येतो. अशावेळी तुम्ही वाटाणा-पोह्याचे चमचमीत कटलेट बनवू शकता. चला तर मग जाणून घेऊया वाटाणा-पोह्याच्या कटलेटची सोप्पी रेसिपी
वाटाणा-पोह्याचे कटलेट बनवण्यासाठी लागणारे साहित्य:
१. २ कप पोहे (भिजवलेले)
२. १/२ कप हिरवा वाटाणा उकडलेला
३. ३ उकडून कुस्करलेले बटाटे
४. २ कांदा बारीक चिरलेला
५. १ चमचा लाल मिरची पावडर
६. १ चमचा गरम मसाला पावडर
७. १ चमचा काळी मिरी पावडर
८. १ चमचा जिरे
९. १ चमचा चाट मसाला
१०. १ चमचा बारीक चिरलेली मिरची
११. २ चमचे गाजराचा किस
१२. २-३ चमचे कॉर्नफ्लॉवर
१३. कोथिंबीर
१४. तळण्यासाठी तेल
१५. चवीसाठी मीठ
वाटाणा-पोह्याचे कटलेट बनवण्याची कृती:
१. सर्वात प्रथम भिजवलेले पोहे हाताने कुस्करुन घ्या.
२. आता त्यात हिरवा वाटाणा, बटाटा, कांदा, कोथिंबीर, लाल मिरची, गरम मसाला, काळी मिरी पावडर, जीरे आणि चाट मसाला, गाजराचा किस हे सर्व साहित्य टाकून सर्व मिश्रण एकजीव करा.
३. आता हातावर तेल हे लावून हे या मिश्रणाचे कटलेट थापा.
४. त्यानंतर एका गरम कढईत हे कटलेट लालसर होऊपर्यंत तळून घ्या.
हेही वाचा: १५ मिनिटांत झटपट बनवा ‘गोड लापशी’; पटकन नोट करा साहित्य आणि कृती
५. तयार गरमागरम टोमॅटो सॉसबरोबर सर्व्ह करा.
