खास मुलांसाठी पिझ्झा पॅकेटची टेस्टी रेसिपी; पटकन नोट करा साहित्य आणि कृती

पिझ्झा पॅकेट बनविण्यासाठी लागणारे साहित्य:

१. ३ चमचे मका
२. २ मोठे चमचे बारीक चिरलेला कांदा
३. २ चमचे शिमला मिरची
४. २-३ चमचे बटर
५. ४-५ ऑलिव्ह
६. टोमॅटो सॉस
७. ब्रेड स्लाइस (आवश्यकतेनुसार)
८. किसलेला मोझरेला चीज (आवश्यकतेनुसार)
९. पिझ्झा सॉस (आवश्यकतेनुसार)
१०. मीठ चवीनुसार

पिझ्झा पॅकेट बनवण्याची कृती:

१. सर्वांत आधी एका पॅनमध्ये बटर टाकून कांदा छान परतून घ्या. त्यानंतर त्यामध्ये मका, शिमला मिरची आणि मीठ टाकून परतून घ्या.

२. आता त्यामध्ये पिझ्झा सॉस आणि टोमॅटो सॉस घालून सर्व मिश्रण व्यवस्थित परतून घ्या.

३. आता या सर्व भाज्या शिजल्यानंतर त्या एका प्लेटमध्ये काढा आणि त्यामध्ये मोझेरेला चीज आणि ऑलिव्ह ऑईल मिक्स करा.

४. त्यानंतर ब्रेडच्या चारही बाजू कापून घ्या आणि त्यात तयार केलेले मिश्रण भरून चांगले पॅक करून घ्या.

हेही वाचा: अवघ्या १५ मिनिटांत बनवा गुळपापडीचे लाडू; पटकन नोट करा साहित्य आणि कृती

५. आता कढईत तेल गरम करून स्टफ केलेले ब्रेड मध्यम आचेवर तळून घ्या.

६. पिझ्झा पॉकेट तळल्यानंतर ते सर्व एका प्लेटमध्ये काढून व टोमॅटो सॉससह सर्व्ह करा.