मुळ्याची भाजी, कोशिंबीर नको? थंडीत खा गरमागरम ‘मुळ्याचे पराठे’ ही घ्या सोपी रेसिपी

मुळ्याचे पराठे साहित्य

• २ मुळे मध्यम आकाराचे
• १ कांदा
• १ टेबलस्पून लाल तिखट किंवा मिरचीचा ठेचा
• १ टीस्पून मॅगी मॅजिक मसाला
• मीठ चवीनुसार
• १ टेबलस्पून धनेजिरे पूड
• कोथिंबीर तेल
• १ टेबलस्पून आल लसूण पेस्ट
• गव्हाचे पिठ

मुळ्याचे पराठे कृती

स्टेप १
मुळा किसून घ्या कढईत तेल गरम करून हिंग जीरे फोडणी द्यावी आणि मग कांदा लसूण आले पेस्ट घालून हलवावे.आता त्यात लाल तिखट, हळद घालून घ्यावे.

स्टेप २
मुळ्याचा किस पिळून घालावा वरून त्यात मॅगी मॅजिक मसाला आणि मीठ घालून घ्यावे व्यवस्थित एकत्र करावे आणि झाकण ठेवून शिजू द्यावे.

स्टेप ३
गव्हाचे पिठ वापरून कनिक मळून घ्यावे. एक गोळी घेऊन पोळी लाटून तयार सारण भरून घ्या आणि गोळा बनवून घ्यावे पिठात भरवून घ्यावे

स्टेप ४
हलक्या हाताने लाटून घ्यावे. थोडा जाडसरच ठेवावा.तवा गरम झाल्यावर तेलाचा हात फिरवून पराठा तव्यावर शेकावा.दोन्ही बाजूला छान भाजून घ्या.

हेही वाचा >> थंडीत अस्सल खानदेशी पद्धतीनं बनवा झणझणीत ठेचा; ‘ही’ घ्या ५ मिनिटात होणारी सोपी रेसेपी

स्टेप ५
दही, चटणी, लोणचे, लोणी किंवा गरमागरम तुपासोबत खायला घ्यावे.

मुळा खाण्याचे फायदे

• मुळा खाल्याने तुमच्या पचनक्रियेस देखील मदत होते. तुम्हाला जर अॅसिडिटीचा त्रास होत असेल तर मुळा खाणे तुमच्यासाठी चांगले ठरु शकते.
• मुळ्यामध्ये क जीवनसत्त्व असते त्यामुळे तुमची रोगप्रतिकारक शक्ती वाढण्यास देखील मदत होते.
• मुळ्यामुळे लाल रक्तपेशी वाढण्यास देखील मदत होते आणि रक्तामधील ऑक्सीजनचे प्रमाण वाढवण्यास देखील मुळा मदत करतो.