आता ‘ही’ कंपनी ChatGPT चा वापर करून प्रवास अन् निवास पर्यायांची योजना आखणार, जाणून घ्या

बुधवारपासून, वापरकर्ते ट्रिप प्लॅनर या फीचरचा वापर करू शकतील. जे जाण्याचे ठिकाणी आणि तिथे राहण्याची व्यवस्था प्रदान करण्यासाठी Booking.com चे सध्याचे मशीन लर्निंग मॉडेलसह चॅटजीपीटीच्या क्षमतांना एकत्रित करते. आर्टिफिशियल इंटेलिजन्स (AI) च्या मधील सुविधांचा फायदा घेऊन बुकिंग डॉट कॉम आपल्या ग्राहकांना अधिक चांगला प्रवासाचा पर्याय शोधण्यासाठी मदत करणार आहे. याबाबतचे वृत्त Business Today ने दिले आहे.

हेही वाचा : अनलिमिटेड कॉलिंग,४० जीबी बोनस डेटा आणि…; Reliance Jio च्या ८४ दिवसांच्या ‘या’ प्लॅन्समध्ये मिळतात अनेक फायदे

Booking.com चे टेक्नॉलॉजी प्रमुख रॉब फ्रान्सिस यांनी AI ट्रिप प्लॅनरबद्दल आपला उत्साह व्यक्त करताना सांगितले, ”आमचे नवीन AI ट्रिप प्लॅनर आम्हाला आमच्या ग्राहकांना नियोजन करणे आणि प्रवासासाठी पर्याय शोधण्यात खरोखरच काही रोमांचक शक्यता प्रदान करते.” प्रवासाचे नियोजन करण्याच्या प्रक्रियेमध्ये अत्याधुनिक टेक्नॉलॉजीचे हे एकत्रीकरण कंपनीसाठी वापरकर्त्यांना चांगला अनुभव देण्याच्या दृष्टीने एक महत्वाचे पाऊल ठरू शकते.

OpenAI ने विकसित केलेले ChatGPT या ट्रिप प्लॅनर फीचरला अधिक शक्तिशाली करणारा चॅटबॉट म्हणून काम करते. संवादाचे अनुकरण, फॉलो-अप प्रश्न हाताळण्याच्या क्षमतेसाठी प्रसिद्ध असलेले ChatGpt हे त्रुटी स्वीकारू शकते, चुकीच्या गोष्टींना आव्हान देऊ शकते तसेच चुकीच्या विनंत्या नाकारू शकते. या जनरेटीव्ही AI टेक्नॉलॉजीने टेक उद्योगामध्ये मोठ्या प्रमाणामध्ये लोकप्रियता मिळवली आहे.

हेही वाचा : ५० मेगापिक्सलच्या कॅमेऱ्यासह ७ जुलैला लॉन्च होणार Samsung चा ‘हा’ भन्नाट स्मार्टफोन, काय असू शकतात फीचर्स

बुकिंग डॉट कॉम हे ट्रिप प्लॅनर हे फिचर लॉन्च करणार आहे. यामुळे अमेरिकेतील निवडक वापरकर्त्यांना प्रश्न विचारण्याची आणि वैयक्तिक प्रवासाचे नियोजन करण्यासाठी मदत होणार आहे. सुरुवातीला, ट्रिप प्लॅनरचे व्हर्जन हे अमेरिकेतील बुकिंग डॉट कॉमच्या लॉयल्टी प्रोग्रॅम “जीनियस” च्या निवडक सदस्यांसाठीच उपलब्ध असेल पुढील काही आठवड्यांमध्ये या सदस्यांना फीचरची चाचणी करण्याची आणि त्यावर प्रतिक्रिया देण्याची संधी मिळेल. ज्यामुळे बुकिंग डॉट कॉमला वापरकर्त्यांना प्रवासाचा अनुभव सुधारण्यास मदत होणार आहे.