Valentine’s Day: iPhone खरेदी करण्याचा विचार करताय? ‘या’ मॉडेलवर मिळतेय तब्बल ३० हजारांची सूट

इमॅजिन हे भारतातील Apple-अधिकृत थर्ड पार्टी विक्रेत्यांपैकी एक मोठे किरकोळ विक्रेते आहेत. आता सुरु असलेल्या व्हॅलेंटाईन डे सेलमध्ये, iPhone 14 आणि iPhone 14 Plus मोठ्या सवलतींसह मिळू शकतात. यामध्ये ग्राहकांना बँकेच्या कार्डवर कॅशबॅक , डिस्काउंट आणि एक्सचेंज ऑफर देखील दिल्या जात आहेत.

हेही वाचा : Smartphones खरेदी करण्याचा विचार करताय?, १५ हजार रुपयांपेक्षा कमी किंमतीत खरेदी करा ‘हे’ बेस्ट फोन

व्हॅलेंटाईन डे ऑफर

iPhone 14 भारतात १२८ जीबी स्टोरेजसह ७९,९०० रुपयांना लाँच करण्यात आला. तसेच यामध्ये वापरककर्त्यांसाठी २५६ व ५१२ जीबी स्टोरेज असणारे फोन देखील उपलब्ध आहेत. त्यांची किंमत अनुक्रमे ८९,९०० रुपये आणि १,०९,९०० आहे. व्हॅलेंटाईन डे सेलमध्ये ऑफरमध्ये आयफोन १४ हे डिव्हाईस ४३,९०० रुपयांना वापरकर्त्यांना खरेदी करता येणार आहे.

Imagine च्या सेलमध्ये iPhone 14 ६,००० रुपयांचा डिस्काउंट मिळत आहे. HDFC बँकेच्या कार्डद्वारे वापरकर्ते ४,००० रुपयांच्या कॅशबॅकसह फोन खरेदी करू शकतात. या ऑफर्समुळे या फोनच्या बेस व्हेरिएंटची किंमत ६९,९०० रुपयांपर्यत कमी झाली आहे. एक्सचेंज ऑफरमध्ये आयफोन १४ वर २०,००० रुपयांचा डिस्काउंट मिळत आहे. मात्र जुन्या फोनच्या मॉडेलनुसार त्याची किंमत ठरते हे लक्षात ठेवणे आवश्यक आहे.

iPhone 14 Plus देखील मोठ्या डिस्काउंटमध्ये खरेदी करता येणार आहे. हा फोनवे या सेलमध्ये ७,००० पर्यंत डिस्काउंट मिळू शकतो. HDFC बँकेच्या कार्डावर ४,००० रुपयांची सूट मिळत आहे. याशिवाय EasyEMI च्या व्यवहारांवरही कॅशबॅक ऑफर मिळू शकते. ऑफर मधून हा फोन ७८,९००० रुपयांना खरेदी करण्याची संधी वापरकर्त्यांना आहे.

हेही वाचा : Tech Layoffs: गुगल, फिलिप्सपाठोपाठ आणखी एका टेक कंपनीचा कामगारांना धक्का, ६६५० जणांची नोकरी जाणार

iPhone 14, iPhone 14 Plus चे फीचर्स

आयफोन १४ मधील या दोन्ही फोनमध्ये १२ मेगापिक्सलचा प्रायमरी सेन्सर आहे. तसेच १२ मेगापिक्सलचा अल्ट्रा वाईड कॅमेरा यामध्ये येतो तसेच सेल्फ कॅमेरा हा १२ मगापिक्सलचा येतो. फोनमध्ये iOS 16 ऑपरेटिंग सिस्टम देण्यात आली आहे. आयफोन १४ मध्ये ६.१ इंचाचा सुपर रेटिना XDR तर आयफोन १४ प्लसमध्ये ६.७ इंचाचा वापरकर्त्यांना मिळतो. या फोनमध्ये २० वॅटचे फास्ट चार्जिंग आणि ७.५ वॅटचे वायरलेस चार्जिंग सपोर्ट मिळतो.