सलग दुसऱ्या दिवशी मध्य रेल्वे विस्कळीत झाली आहे. टिटवाळा-खडवली रेल्वे स्थानकांदरम्यान रुळाला तडा गेला आहे. त्यामुळे डाऊन कसाऱ्याच्या दिशेने जाणारी रेल्वे वाहतूक विस्कळीत झाली आहे. प्रवाशांना सलग दुसऱ्या दिवशी मनस्ताप सहन करावा लागत आहे. काल डोंबिवली रेल्वे स्थानकाजवळ तांत्रिक बिघाड झाल्यामुळे मध्य रेल्वेची वाहतूक विस्कळीत झाली होती. त्यामुळे सीएसएमटीच्या दिशेने येणाऱ्या लोकल गाडया १५ ते २० मिनिटे उशिराने धावत होत्या. काल रमजान ईदची सुट्टी असल्यामुळे लोकलमध्ये नेहमीपेक्षा गर्दी थोडी कमी होती.
