31 May 2020

News Flash

डोंबिवलीकर गोपेंद्र बोहराची ओमानच्या राष्ट्रीय क्रिकेट संघात निवड

अथक मेहनतीच्या जोरावर मिळवलं यश

अथक मेहनत, जिद्द आणि क्रिकेटविषयी असणारं प्रेम या जोरावर डोंबिवलीच्या गोपेंद्र बोहरा या तरुणाने थेट सातासमुद्रापार झेप घेतली आहे. नोकरीनिमीत्ताने ओमानला गेलेल्या गोपेंद्र बोहराची ओमानच्या राष्ट्रीय क्रिकेट संघात निवड झालेली आहे. त्याच्या या कामगिरीमुळे सध्या डोंबिवलीत त्याच्या घरात आणि मित्र-परिवारामध्ये आनंदाचं वातावरण आहे.

गोपेंद्रला लहानपणापासून क्रिकेटची प्रचंड आवड होती. रुपारेल महाविद्यालयात शिक्षण घेत असताना गोपेंद्र शिवाजी पार्क परिसरात सतत गोलंदाजीचा सराव करायचा. त्याने कधीही सरावाचा कंटाळा केला नाही, त्याचंच फळ गोपेंद्रला मिळालं असल्याचं त्याचे मित्र सांगतात. डोंबिवलीत स्थानिक क्रिकेट सामन्यांमध्ये खेळत असतानाही गोपेंद्रने आपली चमक दाखवून दिली होती.

डोंबिवली बॉईज, JBCC, आर्णी व्हिक्टरी स्पोर्ट्स, जय XI अशा स्थानिक संघाचं गोपेंद्रने प्रतिनीधीत्व केलं होतं. केवळ मेहनतीच्या जोरावर गोपेंद्रने मिळवलेलं हे यश नक्कीच वाखणण्याजोगं आहे. त्यामुळे आगामी काळात डोंबिवलीचा गोपेंद्र ओमानच्या संघाकडून कसा खेळ करतो याकडे सर्वांचंच लक्ष असणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 5, 2019 3:26 pm

Web Title: ohara from dombivali who got selected in oman national cricket team psd 91
Next Stories
1 भारतीय खेळाडूही तणावात, पण…! युवराजचं धक्कादायक विधान
2 टीम इंडियाच्या ‘गब्बर’ला सुनील गावसकरांचा गंभीर इशारा, म्हणाले…
3 विमान कंपनीवर ख्रिस गेलची आगपाखड, कन्फर्म तिकीट असूनही नाकारला प्रवास
Just Now!
X