मित्रांच्या एका गटामध्ये प्रेम प्रकरणातून बाचाबाची झाली. या बाचाबाची मधून ठाण्यातील एका तरुणीला मित्रांच्या गटाने ठाकुर्लीतील ९० फुटी रस्त्यावर बोलावून गुरुवारी रात्री साडे नऊ वाजता लाथाबुक्क्यांनी बेदम मारहाण केली. या तरुणीच्या कपाळाला दगड मारण्यात आल्याने गंभीर दुखापत झाली आहे. हेही वाचा- क्रिकेट खेळण्यावरुन वाद; शहापूर सावरोलीच्या दोन जणांना एकाच गुन्ह्यात चार सक्तमजुरीच्या शिक्षा कशीश गायकवाड, खुशी कदम, नेहा धनगर, नेहा अशी आरोपी तरुणांची नावे आहेत. ऋतिका कुंभार (१९, रा. सावंत चाळ, सिध्देश्वर तलाव, ठाणे) असे तक्रारदार तरुणीचे नाव आहे. फिर्यादी आणि आरोपी हे एकमेकांचे खास परिचित आहेत. या मित्रांच्या गटामध्ये प्रेम प्रकरणाची चर्चा सुरू असताना शाब्दिक बाचाबाची झाली. या विषयात तक्रारदार ऋतिका आणि आरोपी नेहा धनगर यांच्यात वादावादी झाली. हेही वाचा- कोपरीतील शिवसेना शाखेवरून वाद; शिंदे गट आणि शिवसैनिक आमने- सामने, अखेर पोलिसांनी काढला मार्ग या विषयावर चर्चा करण्यासाठी फियार्दी ऋतिका आणि चार आरोपी गुरुवारी रात्री साडे नऊ वाजता ठाकुर्लीतील ९० फुटी रस्त्यावरील बेबो हाॅटेलच्या समोरील बाजूला जमा झाले. तेथे त्यांच्यात प्रेमप्रकरणातून बोलाचाली सुरू असताना आरोपींनी तक्रारदार ऋतिकाला जाब विचारुन तिला हात, लाथाबुक्क्यांनी मारहाण करण्यास सुरुवात केली. नेहा धनगर हिने एक दगड ऋतिकाच्या कपाळाला मारला. त्यामुळे तिच्या कपाळाला जखम झाली आहे. टिळकनगर पोलीस ठाण्यात याप्रकरणी गुन्हा दाखल करण्यात आला आहे.
