सुरेश पाटील यांना अंत्योदय पुरस्कार

‘रामभाऊ म्हाळगी प्रबोधिनी’ आणि ‘डी. एच. गोखले आणि श्यामला गोखले न्यासा’च्या वतीने दिला जाणारा यंदाचा ‘अंत्योदय पुरस्कार’ यंदा सेरेब्रल पाल्सीने ग्रस्त असलेल्यांसाठी काम करणाऱ्या सुरेश पाटील यांना जाहीर झाला आहे. ५ एप्रिलला वडाळ्यातील प्रबोधिनीच्या चंचल स्मृती कार्यालयातील डॉ. श्यामप्रसाद मुखर्जी सभागृहात सायंकाळी ६ वाजता होणाऱ्या कार्यक्रमात हा पुरस्कार प्रदान करण्यात येईल.
एक लाख रुपये रोख, मानचिन्ह आणि शाल-श्रीफळ हे पुरस्काराचे स्वरुप आहे. डी.वाय.पाटील विद्यापीठाचे कुलगुरु डॉ. संजय ओक यांच्या मुख्य उपस्थितीत हा पुरस्कार देण्यात येणार आहे.